ഓട്ടോയിൽ നിന്നും തെറിച്ചുവീണു; തല ഇലക്ട്രിക് പോസ്റ്റിലിടിച്ച് ഗർഭിണിയായ യുവതി മരിച്ചു; തർക്കത്തിനിടെ പുറത്തേക്ക് ചാടിയതെന്ന് സംശയം

തിരുവനന്തപുരം: ഓട്ടോറിക്ഷയിൽ സഞ്ചരിക്കുന്നതിനിടെ പുറത്തേക്ക് തെറിച്ച് വീണ് പരിക്കേറ്റ യുവതിക്ക് ദാരുണമരണം. ഗർഭിണിയായ കുഴിവിള സ്വദേശി സുമിന (22)യാണ് മരണപ്പെട്ടത്. തല ഇലക്ട്രിക് പോസ്റ്റിലിടിച്ചാണ് യുവതിക്ക് പരിക്കേറ്റത്.

ആഴംകോണം തോപ്പുവിളയിൽ ഇന്നലെ വൈകിട്ടാണ് അപകടമുണ്ടായത്. ആശുപത്രിയിൽ ചികിത്സയിലിരിക്കെ സമുമിനയ്ക്ക് മരണം സംഭവിക്കുകയായിരുന്നു.

ഭർത്താവുമൊത്തു വീട്ടിലേക്ക് യാത്ര ചെയ്യുമ്പോഴായിരുന്നു അപകടം. ഓട്ടോയിലിരുന്ന് ഭർത്താവുമായി ഉണ്ടായ വാക്ക് തർക്കത്തിനൊടുവിൽ യുവതി പുറത്തേക്ക് എടുത്തു ചാടുകയായിരുന്നുവെന്നും പോലീസിന് സംശയമുണ്ട്.

also read- പ്രധാനമന്ത്രി കൊച്ചിയിലേക്ക്; യുവം വേദിക്ക് പുറത്ത് പ്രതിഷേധിച്ച യൂത്ത് കോൺഗ്രസ് പ്രവർത്തകൻ; മർദ്ദിച്ച് ബിജെപി പ്രവർത്തകർ; മനോരോഗിയെന്ന് കെ സുരേന്ദ്രൻ;

വീഴ്ചയിൽ യുവതിയുടെ തല ഇലക്ട്രിക് പോസ്റ്റിൽ ഇടിക്കുകയായിരുന്നു. ഗുരുതരമായി പരുക്കേറ്റതിനെ തുടർന്ന് മെഡിക്കൽ കോളജിൽ പ്രവേശിപ്പിക്കുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.