തിരുവനന്തപുരം: തിരുവനന്തപുരം മൃഗശാലയില്‍ ജീവനക്കാരുടെ ഗുരുതര അനാസ്ഥയില്‍ വാഹനാപകടം. ഇലക്ട്രിക് വാഹനാപകടത്തില്‍ രണ്ട് പേര്‍ക്ക് പരിക്കേറ്റു. ജീവനക്കാരുടെ അനാസ്ഥയാണ് അപകടത്തിന് കാരണമായത്.
മൃഗശാലയ്ക്കുള്ളിലെ ഇലക്ട്രിക് വാഹനത്തില്‍ താക്കോല്‍ വച്ച് ജീവനക്കാര്‍ പോയിരുന്നു. ഈ സമയത്ത് അവിടെയുണ്ടായിരുന്ന കുട്ടികള്‍ വാഹനത്തില്‍ കയറി കളിക്കുകയായിരുന്നു.
അതിനിടയിലാണ് വാഹനം സ്റ്റാര്‍ട്ടായി മുന്നോട്ടുപോയി അപകടമുണ്ടാകുകയായിരുന്നു. മൃഗശാല സന്ദര്‍ശിക്കാനെത്തിയ രണ്ട് പേര്‍ക്കാണ് അപകടത്തില്‍ പരിക്കേറ്റത്.