തിരുവനന്തപുരം: ഈസ്റ്റർ ദിനത്തിലെ ഭവനസന്ദർശനം വിജയമായതിനെ തുടർന്ന് ഇതുതന്നെ വിഷുവിനും ആവർത്തിക്കാൻ ബിജെപി തീരുമാനം. മുതിർന്ന നേതാക്കൾ മുതൽ ബൂത്തുതല നേതാക്കൾ വരെ ഇതര മതസ്ഥരെ വീട്ടിലേക്കു ക്ഷണിക്കുകയും വിഷുക്കൈനീട്ടവും പായസവും നൽകുകയും ചെയ്യണമെന്നാണ് നിർദേശം.
കൂടാതെ,വിഷു ദിനം സ്‌നേഹ സംഗമ ദിനമാക്കി മാറ്റാനാണ് ബിജെപി സംസ്ഥാന സമിതിയുടെ തീരുമാനം. കേന്ദ്രമന്ത്രി വി മുരളീധരൻ തിരുവനന്തപുരത്ത് സ്‌നേഹസംഗമത്തിൽ പങ്കെടുക്കും. ഈസ്റ്റർ ദിനത്തിൽ കൃസ്ത്യൻ ഭവനങ്ങൾ സന്ദർശിച്ചതിന് സമാനമായി ഇതരമതസ്ഥരെ വീട്ടിലേക്കു ക്ഷണിക്കുകയും വിഷുക്കൈനീട്ടം നൽകുകയും ചെയ്യും.
തിരുവനന്തപുരം ജില്ലാ അധ്യക്ഷൻ വിവിരാജേഷ് വിഷുദിനത്തിൽ ഒരുക്കുന്ന വിരുന്നിൽ ക്രൈസ്തവ കുടുംബങ്ങൾ പങ്കെടുക്കും. ഒപ്പം ഈ വരുന്ന ഈദിന് മുസ്ലിം ഭവനങ്ങളും സന്ദർശിക്കണമെന്നും കേരളത്തിന്റെ ചുമതലയുള്ള പ്രകാശ് ജാവദേക്കർ ആവശ്യപ്പെട്ടിരുന്നു. ഇതിന്റെ അടിസ്ഥാനത്തിലാണ് സന്ദർശനങ്ങൾ. കേന്ദ്രമന്ത്രി വി മുരളീധരന്റെ നേതൃത്വത്തിലാണ് തിരുവനന്തപുരത്തെ സ്‌നേഹ സംഗമങ്ങൾ.
Discussion about this post