കോഴിക്കോട്: നിര്മാണത്തിനിടെ കെട്ടിടത്തിന്റെ മുകളില് നിന്ന് വീണ് തൊഴിലാളിയ്ക്ക് ദാരുണാന്ത്യം. കുറ്റിക്കാട്ടൂര് പൈങ്ങോട്ടുപുറം ആനശ്ശേരി പുറത്തോട്ടു കണ്ടി രാജന്റെ മകന് രഞ്ജിത്ത് (31) ആണ് മരിച്ചത്. കോഴിക്കോട് ഗവ. മെഡിക്കല് കോളേജ് അങ്കണത്തിലെ പരീക്ഷാ ഹാള് നിര്മ്മാണത്തിനിടെയാണ് അപകടം.
Read Also:ഗുരുവായൂര് ക്ഷേത്രത്തില് രാത്രിയിലും വിവാഹം നടത്താം: ദേവസ്വം അനുമതിയായി
മെക്കാനിക്ക് ആയിരുന്നു രഞ്ജിത്ത്. കെട്ടിടത്തിന്റെ മൂന്നാം നിലയില് നിന്നാണ് രഞ്ജിത്ത് വീണത്. ശനിയാഴ്ച ഉച്ചയ്ക്ക് 12 മണിയോടെയാണ് അപകടം. ഉടന് മെഡി. കോളേജ് തീവ്രപരിചരണ വിഭാഗത്തില് എത്തിച്ചെങ്കിലും രക്ഷിക്കാനായില്ല. അമ്മ: സജിത. സഹോദരന്: അഭിനവ് (സഞ്ജു). സംസ്കാരം ഞായറാഴ്ച ഉച്ചക്ക് 12ന് തറവാട് ശ്മശാനത്തില് നടക്കും
Discussion about this post