ഹരിയാന: വിവാഹവാഗ്ദാനം നല്‍കി കാമുകിയെ കാനഡയില്‍ നി്ന്നും വിളിച്ചുവരുത്തി കൊലപ്പെടുത്തിയ യുവാവ് അറസ്റ്റില്‍. ഹരിയാനയിലാണ് ഞെട്ടിക്കുന്ന സംഭവം. 23-കാരിയായ നീലം എന്ന യുവതിയെ ക്രൂരമായി കൊന്ന് മൃതദേഹം കുഴിച്ചുമൂടയ കാമുകനായ സുനില്‍ ആണ് അറസ്റ്റിലായത്.
നീലം ഒമ്പത് മാസം മുമ്പാണ് കാനഡയില്‍ നിന്ന് ഇന്ത്യയിലേക്ക് വന്നത്. തുടര്‍ന്ന് യുവതിയെ കാണാതാവുകയായിരുന്നു. നീലത്തിന്റെ സഹോദരനി റോഷ്‌നി നല്‍കിയ പരാതിയില്‍ നടത്തിയ അന്വേഷണത്തിലാണ് ഇപ്പോള്‍ ഞെട്ടിക്കുന്ന കൊലപാതക വിവരം പുറത്ത് വന്നിരിക്കുന്നത്.
സുനില്‍ കഴിഞ്ഞ വര്ഷം ജൂണില്‍ യുവതിയെ വെടിവച്ചുകൊന്ന് മറവ് ചെയ്യുകയായിരുന്നു. ചൊവ്വാഴ്ച ഭിവാനിയില്‍ നിന്ന് നീലത്തിന്റെ മൃതദേഹ അവശിഷ്ടങ്ങള്‍ പോലീസ് കണ്ടെത്തി. നീലത്തെ തട്ടിക്കൊണ്ടുപോയി കൊലപ്പെടുത്തുകായിരുന്നു എന്നാണ് സുനില്‍ പൊലീസിനോട് സമ്മതിച്ചിരിക്കുന്നത്.
നീലത്തിന്റെ തലയില്‍ രണ്ടുതവണ വെടിയുതിര്‍ത്ത് കൊലപ്പെടുത്തി, കുറ്റം മറച്ചുവെക്കാന്‍ തന്റെ വയല്‍ ഭൂമിയില്‍ മൃതദേഹം കുഴിച്ചിടുകയും ചെയ്തുവെന്ന് സൂനില്‍ മൊഴി നല്‍കി. 12 വകുപ്പുകള്‍ ചുമത്തിയാണ് സുനിലിനെതിരെ കേസ് രജിസ്റ്റര് ചെയ്തിരിക്കുന്നത്.
Discussion about this post