വാഴക്കാട്: മലപ്പുറത്ത് യുവതിയെ വീടിന്റെ ടെറസില്‍ മരിച്ച നിലയില്‍ കണ്ടെത്തിയ സംഭവത്തില്‍ ഭര്‍ത്താവ് പോലീസ് പിടിയില്‍. വാഴക്കാട് ചെറുവട്ടൂര്‍ നെരോത്ത് പുതാടമ്മല്‍ നജ്മുന്നീസയെ (33) മരിച്ച നിലയില്‍ കണ്ടെത്തിയ സംഭവത്തില്‍ ഭര്‍ത്താവ് മുഹിയുദ്ദീന്‍ ആണ് അറസ്റ്റിലായത്.
വീടിന്റെ ടെറസില്‍ നജ്മുന്നീസ മരിച്ചു കിടക്കുന്നതായി മുഹിയുദ്ദീനാണ് ബന്ധുക്കളെയും അയല്‍വാസികളെയും അറിയിച്ചത്. എന്നാല്‍ മുഹിയുദ്ദീന്‍ നജ്മുന്നീസയെ കൊലപ്പെടുത്തിയതാണെന്ന് പോലീസ് കണ്ടെത്തി. മുഹിയുദ്ദീനെ നിരീക്ഷിക്കാനായിരുന്നു നജ്മുന്നീസ രഹസ്യമായി കോണി വഴി ടെറസില്‍ കയറിയത്.
also read: എലത്തൂര്‍ തീവണ്ടി ആക്രമണം; പ്രതി ഉത്തര്‍പ്രദേശ് സ്വദേശിയെന്ന് സൂചന, അന്വേഷണം ഊര്‍ജിതം
എന്നാല്‍ നജ്മുന്നീസയെ കണ്ടതോടെ മുഹിയുദ്ദീന്‍ വഴക്കായി. തുടര്‍ന്ന് മുഹിയുദ്ദീന്‍ നജ്മുന്നീസയെ ശ്വാസംമുട്ടിച്ച് കൊലപ്പെടുത്തിയെന്നാണ് പൊലീസ് ഭാഷ്യം. കഴിഞ്ഞ ദിവസം പുലര്‍ച്ചെ നാലോടെയാണ് നജ്മുന്നീസയെ മരിച്ച നിലയില്‍ കണ്ടെത്തിയത്.
also read; സൗഹൃദ ക്രിക്കറ്റ് മത്സരത്തിനിടെ നോ ബോള്‍ വിളിച്ചു, 22 കാരനായ അമ്പയറെ കുത്തിക്കൊന്നു, നടുക്കം
സംഭവത്തില്‍ അസ്വാഭാവിക മരണത്തിന് കേസെടുത്ത പൊലീസ് മുഹിയുദ്ദീനെയും 2 സുഹൃത്തുക്കളെയും ചോദ്യം ചെയ്യുന്നതിനായി കസ്റ്റഡിയിലെടുത്തിരുന്നു.