യുവ സംവിധായകൻ മനു ജെയിംസ് അന്തരിച്ചു; വിയോഗം പുതിയ ചിത്രം റിലീസിനൊരുങ്ങവെ, ജീവൻ എടുത്തത് മഞ്ഞപ്പിത്തം

കൊച്ചി: യുവ സംവിധായകൻ കുറവിലങ്ങാട് ചിറത്തിടത്തിൽ മനു ജെസിംസ് അന്തരിച്ചു. 31-ാം വയസിലാണ് അപ്രതീക്ഷിത വിയോഗം. മഞ്ഞപ്പിത്തം ബാധിച്ച് ആലുവയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് മനു ലോകത്തോട് വിടപറഞ്ഞത്.

2004ൽ സാബു ജെയിംസ് സംവിധാനം ചെയ്ത ‘ഐ ആം ക്യുരിയസ്’ എന്ന ചിത്രത്തിലൂടെ ബാല താരമായി അഭിനയം തുടങ്ങിയ മനു ജെയിംസ് പിന്നീട് മലയാളം, കന്നട, ബോളിവുഡ്, ഹോളിവുഡ് മേഖലകളിൽ സഹ സംവിധായകനായി പ്രവർത്തിച്ചിട്ടുണ്ട്.

ഫാൻ അനങ്ങുന്നില്ല, അസഹനീയ ചൂട്; ഒടുവിൽ വീട്ടിൽ നിന്ന് ടേബിൾ ഫാൻ എത്തിച്ചു, വൈദ്യുതി ചാർജ് ഈടാക്കി നെടുമങ്ങാട് ജില്ലാ ആശുപത്രി

അഹാന കൃഷ്ണകുമാർ, അർജുൻ അശോകൻ, അജു വർഗീസ്, സണ്ണി വെയ്ൻ, ലെന, ലാൽ തുടങ്ങിയവർ അഭിനയിച്ച ‘നാൻസി റാണി’ എന്ന ചിത്രത്തിന്റെ സംവിധായാകനാണ്. ചിത്രം പുറത്തിറങ്ങാനിരിക്കെയാണ് വിയോഗം.

കുറവിലങ്ങാട് ചിറത്തിടത്തിൽ ജെയിംസ് ജോസിന്റെയും, ഏറ്റുമാനൂർ പ്ലാത്തോട്ടത്തിൽ സിസിലി ജെയിംസിന്റെയും മകനാണ്. കണ്ടനാട് പിട്ടാപ്പിള്ളിൽ നൈന മനു ജെയിംസ് ആണ് ഭാര്യ. സഹോദരങ്ങൾ മിന്ന ജെയിംസ്, ഫിലിപ്പ് ജെയിംസ്. സംസ്‌കാരം ഞായറാഴ്ച കുറവിലങ്ങാട് വച്ച് നടത്തും.