പാലക്കാട്: പ്രണയ നൈരാശ്യത്തെ കുറിച്ച് പറഞ്ഞ് കളിയാക്കിയതിന് യുവാവ് ബന്ധുക്കളെ ചുറ്റിക കൊണ്ട് ആക്രമിച്ചു. ഒറ്റപ്പാലം പഴയ ലക്കിടി സ്വദേശി ബിഷറുല്‍ ഹാഫിയാണ് ബന്ധുക്കളെ അടിച്ച് പരിക്കേല്‍പ്പിച്ചത്. സഹോദരന്മാരുടെ ഭാര്യമാര്‍, സഹോദരി എന്നിവരെ ആണ് ബിഷറുല്‍ ഹാഫി ആക്രമിച്ചത്.
അതേസമയം, നെടുമ്പാശേരിയില്‍ ഷാര്‍ജയില്‍ നിന്നെത്തിയ യുവാവില്‍ നിന്ന് സ്വര്‍ണ്ണം പിടികൂടി. പാലക്കാട് സ്വദേശി ഹുസൈനില്‍ നിന്നുമാണ് സ്വര്‍ണ്ണം പിടികൂടിയത്. 43 ലക്ഷം രൂപ വിലവരുന്ന 900 ഗ്രാം സ്വര്‍ണ്ണമാണ് ഹുസൈനില്‍ നിന്ന് കസ്റ്റംസ് പിടികൂടിയത്. ക്യാപ്‌സൂള്‍ രൂപത്തിലാക്കി ശരീരത്തിലൊളിപ്പിച്ചാണ് ഹുസൈന്‍ സ്വര്‍ണം കടത്താന്‍ ശ്രമിച്ചത്.