വടകര: പടക്കം പൊട്ടിച്ചതിനെ ചൊല്ലി വിവാഹവീട്ടില്‍ കൂട്ടത്തല്ല്. കോഴിക്കോട് ജില്ലയിലെ മേപ്പയ്യൂരിലാണ് സംഭവം. വരന്റെയും വധുവിന്റെയും വീട്ടുകാര്‍ തമ്മിലാണ് അടിപിടിയുണ്ടായത്, വരന്റെ വീട്ടുകാരാണ് പടക്കം പൊട്ടിച്ചത്.
വിവാഹദിവസം വധുവിന്റെ വീട്ടിലെ ചടങ്ങിനെത്തിയ വരന്റെ വീട്ടുകാര്‍ ആഘോഷത്തിന്റെ ഭാഗമായി പടക്കം പൊട്ടിച്ചതായിരുന്നു. വടകരയിലെ വില്യാപ്പള്ളിയില്‍ നിന്നെത്തിയതാണ് വരനും സംഘവും. ഇത് വധുവിന്റെ വീട്ടുകാര്‍ക്ക് ഇഷ്ടമായില്ല.
തുടര്‍ന്ന് വധുവിന്റെ വീട്ടുകാര്‍ ഇത് ചോദ്യം ചെയ്തതാണ് കൂട്ടത്തല്ലിലേക്ക് കലാശിച്ചത്. പൊരിഞ്ഞ അടിപിടിക്ക് ശേഷം വിവാഹ ചടങ്ങുകളെല്ലാം കൃത്യമായി നടക്കുകയും ബന്ധുക്കള്‍ പിരിഞ്ഞുപോകുകയും ചെയ്തു.
ഇതിനിടെ ആരോ ഒരാളാണ് മൊബൈലില്‍ പകര്‍ത്തിയ വിഡിയോ ആണ് സമൂഹമാധ്യമങ്ങളില്‍ പങ്കുവെച്ചത്. ഇത് പിന്നീട് വൈറലാവുകയായിരുന്നു. സംഭവത്തില്‍ ആരും പൊലീസില്‍ പരാതിപ്പെട്ടിട്ടില്ല.
Discussion about this post