കോഴിക്കോട്: വീണ്ടും കോഴിക്കോട് തെരുവുനായയുടെ ആക്രമണം. പന്നിയങ്കര ചുള്ളിക്കാട് ജങ്ഷനില്‍ വെച്ചാണ് തെരുവുനായ നാലു പേരെ ആക്രമിച്ചത്.
അങ്കണവാടിയില്‍ നിന്നും വരികയായിരുന്ന മൂന്നു വയസ്സുകാരനും മാതാവ് ജുവൈരിയക്കും ആദ്യം കടിയേറ്റു. പിന്നാലെ ഇവരെ ആക്രമിക്കുന്നതില്‍ നിന്നും രക്ഷിക്കാന്‍ ശ്രമിച്ചവര്‍ക്കാണ് കടിയേറ്റത്.
കുട്ടിയെയും മാതാവിനെയും രക്ഷിക്കാന്‍ ശ്രമിച്ച അബ്ദുല്‍ ഖയൂം, സുഹ്‌റ എന്നിവര്‍ക്കാണ് കടിയേറ്റത്. രാവിലെ 10.15ഓടെയായിരുന്നു സംഭവം. ഇവരെ പ്രാഥമിക ചികിത്സക്ക് ശേഷം കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്.