തൃശൂര്‍: പൂര്‍വ്വ വിദ്യാര്‍ത്ഥി സംഗമം നടക്കുന്നതിനിടെ സ്‌കൂളില്‍ വടിവാള്‍ വീശിയെത്തി രണ്ടംഗ സംഘത്തിന്റെ പരാക്രമം. തൃശ്ശൂര്‍ ജില്ലയിലാണ് നടുക്കുന്ന സംഭവം.
ബൈക്കിലെത്തിയ രണ്ട് ചെറുപ്പക്കാരാണ് വടിവാള്‍ വീശി സ്‌കൂളില്‍ ഭീകരാന്തരീക്ഷം സൃഷ്ടിച്ചത്. സംഭവത്തില്‍ പൊലീസ് അന്വേഷണം ആരംഭിച്ചിട്ടുണ്ട്.
തൃശ്ശൂരിലെ വരവൂര്‍ ഗവണ്മെന്റ് ഹയര്‍ സെക്കന്‍ഡറി സ്‌കൂളിലാണ് അക്രമികള്‍ വാളുവീശി ഭീകരാന്തരീക്ഷം സൃഷ്ടിച്ചത്. അക്രമി സംഘത്തിലെ ഒരാളുടെ ബൈക്കുമായി മറ്റൊരു വാഹനം തട്ടിയിരുന്നു.
ഈ സംഭവം ചോദിക്കാനാണ് ഇവര്‍ വടിവാളുമായെത്തിയത്. സംഭവം കണ്ട് സ്‌കൂളിലുണ്ടായിരുന്നവരെല്ലാം ഭയന്നു. അക്രമികളെ മറ്റുള്ളവര്‍ ഇടപെട്ട് സ്‌കൂളില്‍ നിന്നും പറഞ്ഞയക്കുകയായിരുന്നു. സഭവത്തില് ചെറുതുരുത്തി പൊലീസ് അന്വേഷണം ആരംഭിച്ചിട്ടുണ്ട്.
Discussion about this post