കൊച്ചി: വാഹനാപകടത്തില്‍ യുവാവിന് ദാരുണാന്ത്യം. എറണാകുളത്താണ് സംഭവം. തേവര സ്വദേശിയായ പെരുമാനൂര്‍ കെ.ജെ. ആന്റണി റോഡില്‍ എബിന്‍ ജോയ് ആണ് മരിച്ചത്.
ജന്മദിനത്തില്‍ കോളജിലേയ്ക്കു പോകുന്നതിനിടെയാണ് എബിന്‍ ജോയ് വാഹനാപകടത്തില്‍പ്പെട്ടത്. ഇടക്കൊച്ചി അക്വിനാസ് കോളജിലെ വിദ്യാര്‍ഥിയാണ് എബിന്‍ ജോയ്.
എബിന്‍ ഓടിച്ചിരുന്ന ഇരുചക്രവാഹനത്തിന്റെ ഹാന്‍ഡില്‍ മറ്റൊരു വാഹനത്തില്‍ തട്ടി നിയന്ത്രണം വിട്ട് ബസിന് അടിയിലേയ്ക്കു വീഴുകയായിരുന്നു. ഇടക്കൊച്ചിയില്‍ അക്വിനാസ് കോളജിനു സമീപത്തു വച്ചാണ് അപകടം.
also read: കൊല്ലത്തെ അച്ഛനും അമ്മയും നഷ്ടപ്പെട്ട കുട്ടികളുടെ പഠനച്ചെലവ് ഏറ്റെടുക്കുമെന്ന് ഷെഫ് സുരേഷ് പിള്ള
അക്വിനാസ് കോളജില്‍ എംഎസ്സി ബയോടെക്‌നോളജി വിദ്യാര്‍ഥിയാണ് എബിന്‍ ജോയ്. എബിന്റെ മരണവാര്‍ത്ത കേട്ട് തകര്‍ന്നിരിക്കുകയാണ് ഉറ്റവരും സുഹൃത്തുക്കളും അധ്യാപകരും.
