തിരുവനന്തപുരം: ഡിജിറ്റലായി മാറി കേരളത്തിന്റെ ആനവണ്ടിയും. ഇനി മുതല്‍ ചില്ലറ നല്‍കാനുള്ള തര്‍ക്കവും വിഷമവും ഒന്നും അലട്ടാതെ കെഎസ്ആര്‍ടിസിയില്‍ സഞ്ചരിക്കാം. ബസ് യാത്രയ്ക്കായി ടിക്കറ്റ് തുക ഫോണ്‍പേയിലൂടെ കൈമാറാനുള്ള സംവിധാനമാണ് വന്നിരിക്കുന്നത്.
ചില്ലറയില്ലാത്തതിന്റെ പേരില്‍ കണ്ടക്ടറുമായി തര്‍ക്കിക്കേണ്ടിവരില്ല. പുതിയ സംവിധാനം ബുധനാഴ്ച മുതല്‍ നിലവില്‍വരും.
ബസിനുള്ളില്‍ ഒട്ടിച്ചിരിക്കുന്ന ക്യൂ ആര്‍ കോഡ് സ്‌കാന്‍ ചെയ്ത് ടിക്കറ്റ് തുക നല്‍കാനാകുന്നതാണ് പുതിയ പദ്ധതി.
പണം കൈമാറിയ മെസേജ് കണ്ടക്ടറെ ബോധ്യപ്പെടുത്തിയാല്‍ മതി. ഉദ്ഘാടനം രാവിലെ 10.30-ന് മന്ത്രി ആന്റണി രാജു നിര്‍വഹിക്കും.
Discussion about this post