എനിക്ക് സ്‌കോളര്‍ഷിപ്പ് തരുമോ ഇല്ലയോ? അപേക്ഷയാണ്; പൈലറ്റാകാന്‍ ഇനിയും എത്ര കാത്തിരിക്കണം? വിഷമത്തോടെ ആദം ഹാരി

കൊച്ചി: ട്രാന്‍സ്‌ജെന്‍ഡര്‍ മാന്‍ ആയ ആദം ഹാരി പൈലറ്റാകാന്‍ ശ്രമിക്കുന്ന വാര്‍ത്ത സോഷ്യല്‍മീഡിയയിലടക്കം വലിയ വാര്‍ത്തയായതാണ്. എന്നാല്‍, ഇപ്പോഴും സര്‍ക്കാര്‍ പ്രഖ്യാപിച്ച സ്‌കോളര്‍ഷിപ്പ് ലഭിക്കുകയോ അത് ലഭിക്കുമെന്ന കാര്യത്തില്‍ എന്തെങ്കിലും സൂചനയോ തനിക്ക് ലഭിച്ചിട്ടില്ലെന്ന് പറയുകയാണ് ആദം ഹാരി.

ആദം ഹാരിയുടെ കുറിപ്പ്:

ബഹുമാനപ്പെട്ട മുഖ്യമന്ത്രി Pinarayi Vijayan, സാമൂഹ്യനീതി വകുപ്പ് മന്ത്രി Dr. R. Bindu, ബഹുമാനപ്പെട്ട MP A A Rahim സര്‍,
2019 ഇല്‍ എല്ലാ മാധ്യമങ്ങളുടെയും മുന്‍പില്‍ വെച്ച് ആഘോഷമായി തന്നെ K K Shailaja Teacher അന്നൗന്‍സ് ചെയ്ത എന്റെ scholarship ന്റെ പേരില്‍ ഞാന്‍ ദിവസേന പല ആളുകളുമായി ബന്ധപെടുകയും പോയി കാണുകയും ചെയ്യുന്നുണ്ട്. സെക്രട്ടറിയേറ്റില്‍ കയറി ഇറങ്ങാത്ത വകുപ്പുകള്‍ ഇല്ല. ആദ്യം release ചെയ്ത scholarship എല്ലാവര്‍ക്കും അറിയുന്നതുപോലെ DGCA guideline ലേ പ്രശ്‌നങ്ങള്‍ കാരണം ഇന്ത്യയില്‍ തുടരാന്‍ സാധിക്കില്ലായിരുന്നു… പുതിയ ഗൈഡ്‌ലൈന്‍ കൊണ്ടുവന്നെങ്കില്‍ പോലും അതിലും എനിക്ക് Gender affirmative procedures തുടരുന്നതിനു പരിമിതികള്‍ ഉണ്ട്. അതുകൊണ്ടുതന്നെ ഒരു വര്‍ഷം മുന്‍പേ ഞാന്‍ തുടര്‍ പഠനത്തിനായി അനുവതിച്ച scholarship SouthAfrica യിലേക്ക് മാറ്റാനായി അപേക്ഷ നല്‍കി. ഇത്രനാളായി കാണാത്ത ആളുകളും മന്ത്രിമാരും ഇല്ല. എന്റെ വയസും സമയവും കടന്നു പോകുകയാണ്. എന്റെ File പോകുന്ന ചില Department ലേ ആളുകളുടെ പെരുമാറ്റവും വളരെ Rude ആയാണ്. മാധ്യമങ്ങള്‍ക്കും സര്‍ക്കാരിനും ആഘോഷിക്കാന്‍ മാത്രം പേരിനൊരു ആദ്യത്തെ Transgender എന്ന് പറഞ്ഞുകൊണ്ട് Label തരുമ്പോള്‍, ആ ആഘോഷങ്ങളുടെ കാലയളവു വളരെ ചെറുതാണെന്ന് ഞാന്‍ മനസ്സിലാക്കുന്നു.. അത് കഴിഞ്ഞാല്‍ ആര്‍ക്കും വേണ്ടാത്തവരായി മാറും… എനിക്ക് ഒന്ന് മാത്രമാണ് അറിയേണ്ടത്… എനിക്ക് ആ scholarship തുക അനുവദിക്കുമോ ഇല്ലയോ…??? ഇല്ലെങ്കില്‍ പറയണം ഞാന്‍ നിര്‍ത്തിയേക്കാം…! നിര്‍ത്തുന്നതിനേക്കാള്‍ സങ്കടം ഇത്രയും സമയം ഞാന്‍ നഷ്ടപ്പെടുത്തിയല്ലോ എന്നാലോചിക്കുമ്പോളാണ്…. ഇനിയും വയ്യ തരില്ലെങ്കില്‍ അറിയിക്കണം… നടക്കാത്ത സ്വപ്നങ്ങള്‍ കണ്ട് ജീവിതം മുന്നോട്ട് കൊണ്ടുപോകാന്‍ വയ്യ…. അപേക്ഷയാണ് ??

Transgender വ്യക്തികള്‍ക്കും,ദളിത്, Disabled വ്യക്തികള്‍ക്കും കിട്ടേണ്ട അവകാശങ്ങള്‍ ഇത്തരത്തില്‍ വൈകിപ്പിക്കുകയും വെറും വാഗ്ദാനങ്ങളായി മാറുകയും ചെയ്യുന്നത് വര്‍ഷങ്ങളായി തുടരുന്ന ഒരു കാര്യമാണ്…
NB: Facebookil എഴുതാന്‍ പോലും പേടിയാണ്…

എന്തിനാണ് പബ്ലിക്കായി പോസ്റ്റിടുന്നത് പരാതി കൊടുത്തൂടെ എന്ന് ചോദികുന്ന ഉദ്യോഗസ്ഥരുണ്ട്, പരാതി ഒരുപാട് കൊടുത്തതാണ്… ഒരുപാടു പേരെ കണ്ടതാണ്… ഇനി എഴുതാതെ വയ്യെന്ന് തോന്നി… മറുപടി നല്‍കണം??