തിരുവനന്തപുരം: രാജ്യാന്തര ചലച്ചിത്രമേളയില്‍ അര്‍ധരാത്രിയില്‍ വിറപ്പിച്ച് സാത്താന്റെ വിളയാട്ടം. ഇന്തൊനീഷ്യന്‍ ഹൊറര്‍ ചിത്രം സാത്താന്‍ സ്ലേവ്‌സ് – 2 കണ്ട് ബോധം കെട്ട് വീണ് യുവാവ്. യുവാവിനെ ഉടന്‍ തന്നെ ആശുപത്രിയിലെത്തിച്ചു.
അര്‍ദ്ധരാത്രി പന്ത്രണ്ട് മണിക്ക് നിശാഗന്ധിയിലായിരുന്നു സാത്താന്‍ ഷോ. നിശാഗന്ധിയില്‍ നാലായിരത്തിലധികം പേരാണ് സാത്താന്റെ രണ്ടാം വരവ് വിറച്ച് വിറച്ച് ആസ്വദിച്ചത്.
അമാനുഷിക ശക്തികളെ നേരിട്ട സുവാനോ കുടുംബം ദൃഷ്ട ശക്തികളുടെ ആക്രമണമുണ്ടാകില്ലെന്ന് കരുതി ഫ്‌ലാറ്റ് ജീവിതത്തിലേക്ക് മാറിയിട്ടും ദുരന്തങ്ങള്‍ വിടാതെ പിന്തുടരുന്ന കഥയാണ് ജോക്കോ അന്‍വര്‍ സാത്താന്‍ സ്ലേവ്‌സ് രണ്ടില്‍. തുടക്കം മുതല്‍ ഒടുക്കം വരെ ശ്വാസം അടക്കിപ്പിടിച്ച് പേടിച്ച് സിനിമ ആസ്വദിച്ചവരും ഉണ്ട്.