പൊലീസ് തലപ്പത്ത് നിര്‍ണ്ണായക അഴിച്ചുപണി. എഡിജിപി മനോജ് എബ്രാഹാമിനെ ബറ്റാലിയന്‍ ചുമതല ഏല്‍പ്പിച്ചു. ശങ്കര്‍ റെഡ്ഡി ഐ.പി.എസിനെ റോഡ് സുരക്ഷ കമ്മീണറായി നിയമിച്ചു. എക്‌സ് കേഡര്‍ തസ്തിക സൃഷ്ടിച്ചു കൊണ്ടാണ് പുതിയ മാറ്റം.
തിരുവനന്തപുരം റേഞ്ച് ഐ.ജിയായിരുന്ന മനോജ് എബ്രഹാമിന് എ.ഡി.ജി.പിയായി സ്ഥാനക്കയറ്റം ലഭിച്ചതോടെയാണ് പൊലീസ് തലപ്പത്ത് പുതിയ മാറ്റങ്ങള്‍ വന്നത്. ബെറ്റാലിയന്‍ ചുമതലയിലേയ്ക്ക് മനോജ് എബ്രഹാമിനെ കൊണ്ടു വന്നു. എഡിജിപിയായി സ്ഥാനക്കയറ്റം ലഭിച്ച സഞ്ജയ് കുമാര്‍ ഗരുഡിനെ പൊലീസ് ആസ്ഥാനത്തെ ഡി.ഐ.ജിയായി നിയമനം നല്‍കി.
ഒപ്പം ഡി.ഐ.ജി സ്ഥാനം കയറ്റം ലഭിച്ച അക്ബറിനെ സെക്യൂരിറ്റി ഡി.ഐ.ജിയായി നിയമനം നല്‍കി. ഡി.ഐ.ജി കാളിരാജ് മഹേഷ് കുമാറിനെ കോഴിക്കോട് ജില്ലാ മേധാവിയായി നിയമിച്ചു. പൊലീസ് ട്രൈയിനിങ് കോളേജ് പ്രിന്‍സിപ്പല്‍ ശ്യം സുന്ദറിനെ കേരള പൊലീസ് ഹൗസിങ് കണ്‍സ്ട്രക്ഷന്‍ എം.ഡിയായി നിയമിച്ചു. ആലപ്പുഴ എസ്.പിയായി സ്ഥാന കയറ്റം നല്‍കി നിയമിച്ച കണ്ണൂര്‍ കെ.പി.എ ബറ്റാലിയന്‍ കമാന്‍ഡറായി നിയമിച്ചു.