ചെന്നൈ: ഓടിക്കൊണ്ടിരിക്കുന്ന ട്രെയിനില്‍ നിന്നും വീണ് അയ്യപ്പഭക്തന് ഗുരുതര പരിക്ക്. തമിഴ്‌നാട് തെങ്കാശി പാളയം സ്വദേശി കറുപ്പസ്വാമിയ്ക്കാണ് (53) പരിക്കേറ്റത്. ട്രെയിനില്‍ നിന്നും ചാടിയിറങ്ങാന്‍ ശ്രമിക്കുന്നതിനിടെ ട്രാക്കിലേക്ക് വീഴുകയായിരുന്നു.
പാലരുവി എക്‌സ്പ്രസില്‍ യാത്രചെയ്യുകയായിരുന്നു കറുപ്പ സ്വാമി. ട്രെയിനില്‍ ഉറക്കത്തിലായിരുന്ന കറുപ്പുസ്വാമി ചെങ്ങന്നൂര്‍ സ്റ്റേഷനില്‍ നിന്ന് ട്രെയിന്‍ നീങ്ങി തുടങ്ങിയപ്പോഴാണ് ഉണര്‍ന്നത്. തുടര്‍ന്ന് ട്രെയിനില്‍ നിന്നും ചാടിയിറങ്ങാന്‍ ശ്രമിക്കുകയായിരുന്നു.
also read: 120 അടി ഉയരമുള്ള റോണാള്‍ഡോയുടെ കൂറ്റന്‍ കട്ടൗട്ട് കാറ്റില്‍ തകര്‍ന്നു വീണു; ആര്‍ക്കും അപകടമില്ല
ഇതിനിടെ ട്രാക്കിനും തീവണ്ടിക്കും ഇടയിലേക്ക് വീഴുകയായിരുന്നു. സംഭവം കണ്ടയുടനെ ഓടിയെത്തിയ ആര്‍പിഎഫും അഗ്‌നി രക്ഷാ സേനയും ചേര്‍ന്നാണ് തീവണ്ടി നിര്‍ത്തിച്ച് ട്രെയിനിന്റെ ചവിട്ടുപടി മുറിച്ചുമാറ്റിയ ശേഷം കറുപ്പുസ്വാമിയെ പുറത്തെടുത്തത്.
also read: കായല്‍ കയ്യേറി വീട് നിര്‍മ്മിച്ചു, ഗായകന്‍ എംജി ശ്രീകുമാറിനെതിരെ കേസെടുക്കാന്‍ കോടതി
കറുപ്പുസ്വാമിയുടെ അരക്ക് താഴേക്ക് ഗുരുതരമായി പരിക്കേറ്റിരുന്നു. ഇയാളെ ഉടന്‍ തന്നെ കോട്ടയം മെഡിക്കല്‍ കോളേജിലേക്ക് മാറ്റി. ആന്തരിക അവയവങ്ങള്‍ക്കും മുറിവേറ്റിട്ടുണ്ടെന്നാണ് പുറത്തുവരുന്നവിവരം.