മലപ്പുറം: സൈക്കിള്‍ വീടിന്റെ മതിലില്‍ ഇടിച്ച് മറിഞ്ഞുണ്ടായ അപകടത്തില്‍ വിദ്യാര്‍ത്ഥിക്ക് ദാരുണാന്ത്യം. മലപ്പുറത്താണ് സംഭവം. ഇരിങ്ങാനൂര്‍ തങ്ങള്‍പ്പടി ക്വാര്‍ട്ടേഴ്സില്‍ താമസിക്കുന്ന തിരുവനന്തപുരം സ്വദേശി കൃഷ്ണകുമാറിന്റെ മകന്‍ അഭിഷേക് ആണ് മരിച്ചത്.
പതിനഞ്ച് വയസ്സായിരുന്നു. കഴിഞ്ഞ ദിവസം വൈകിട്ട് നാല് മണിയോടെയായിരുന്നു സംഭവം. സ്‌കൂള്‍ വിട്ട് വന്ന അഭിഷേക് കളിക്കാന്‍ പോകുന്നതിനിടെയാണ് അപകടമുണ്ടായത്.
ഇറക്കത്തില്‍ നിയന്ത്രണം വിട്ട സൈക്കിള്‍ മതിലില്‍ ഇടിക്കുകയായിരുന്നു. ഇടിയുടെ ആഘാതത്തില്‍ അഭിഷേക് സൈക്കിളില്‍ നിന്നും തെറിച്ച് വീണു.
also read: കുഞ്ഞിനെ പാലൂട്ടാൻ വീട്ടിലേയ്ക്ക് പോകവെ അപകടം; അധ്യാപികയ്ക്ക് ദാരുണാന്ത്യം
ഗുരുതരമായി പരിക്കേറ്റ അഭിഷേക് സംഭവസ്ഥലത്ത് വെച്ചുതന്നെ മരിച്ചു. കല്‍പകഞ്ചേരി ജിവി എച്ച് എസ് സ്കൂളിലെ പത്താം ക്ലാസ് വിദ്യാര്‍ത്ഥിയാണ്.