68ാം ജന്മദിനം ആഘോഷിക്കുന്ന ഉലകനായകന് കമല്‍ ഹാസന് പിറന്നാള്‍ ആശംസകള്‍ നേര്‍ന്ന് മുഖ്യമന്ത്രി പിണറായി വിജയന്‍. സമാനതകളില്ലാത്ത കലാകാരന്‍, നിങ്ങള്‍ ഞങ്ങളെ വിസ്മയിപ്പിച്ചുകൊണ്ടിരിക്കുകയാണ്. ഇനിയും ഒരുപാട് വര്‍ഷങ്ങള്‍ സന്തോഷവും ആരോഗ്യവും നേരുന്നെന്നും പിറന്നാള്‍ ആശംസയോടാപ്പം മുഖ്യമന്ത്രി കുറിച്ചു.
‘പ്രിയ കമല്‍ഹാസന് ജന്മദിനാശംസകള്‍.. സമാനതകളില്ലാത്ത കലാകാരന്‍, നിങ്ങള്‍ ഞങ്ങളെ വിസ്മയിച്ചു കൊണ്ടേയിരിക്കുകയാണ്. ജനാധിപത്യപരവും മതേതരവുമായ മൂല്യങ്ങളോടുള്ള നിങ്ങളുടെ വിധേയത്വം ഞങ്ങളെ പ്രചോദിപ്പിക്കുന്നു. ആരോഗ്യത്തോടെ ഒരുപാട് കാലം ജീവിക്കാനാവട്ടെ”- ട്വിറ്ററിലൂടെ മുഖ്യമന്ത്രി പറഞ്ഞു.
Happy birthday dear @ikamalhaasan. As an unparalleled artist, you continue to amaze us. Your unwavering adherence to democratic and secular values inspire us. Wish you many more years of happiness and health. pic.twitter.com/5yp1tD42J7
— Pinarayi Vijayan (@pinarayivijayan) November 7, 2022
തെന്നിന്ത്യയുടെ ഇതിഹാസ താരമായ കമല്‍ ഹാസന് പുതിയ ചിത്രം ‘ഇന്ത്യന്‍ 2’ വിന്റെ പണിപ്പുരയിലാണ്. പിറന്നാള്‍ ദിനത്തില്‍ സിനിമയുടെ അണിയറ പ്രവര്‍ത്തകര്‍ ചിത്രത്തിന്റെ പുതിയ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. കമല്‍ഹാസന് പിറന്നാള്‍ ആശംസകള്‍ അറിയിച്ചുകൊണ്ടാണ് സ്‌പെഷല്‍ പോസ്റ്റര്‍ റിലീസ് ചെയ്തത്.
തമിഴിന് പുറമെ, ഹിന്ദി, മലയാളം തുടങ്ങിയ ഇതര ഭാഷാ ചിത്രങ്ങളിലും കമല്‍ അഭിനയ മികവ് തെളിയിച്ചിട്ടുണ്ട്. നാലു ദേശീയ ചലച്ചിത്ര പുരസ്‌കാരങ്ങളും 19 ഫിലിംഫെയര്‍ പുരസ്‌കാരങ്ങളും ഉള്‍പ്പെടെ ധാരാളം ബഹുമതികളും താരം നേടിയിട്ടുണ്ട്.
Birthday poster of #Indian2 for @ikamalhaasan. #HappyBirthdayUlaganayagan pic.twitter.com/YCPMX9stvT
— Sreedhar Pillai (@sri50) November 7, 2022