പത്തനംതിട്ട: കാട്ടാന റോഡിലേക്കു തള്ളിയിട്ട തേക്ക് കല്ലുകൊണ്ടു മുറിച്ചു മാറ്റി കെഎസ്ആര്ടിസി കണ്ടക്ടര്. ഇന്നലെ രാവിലെ അച്ചന്കോവിലില് നിന്ന് 6.30നു പുറപ്പെട്ട ചെങ്കോട്ട വഴി പുനലൂരിലേക്കുള്ള ബസിന്റെ മുന്നിലാണ് തേക്ക് വഴിമുടക്കിയത്.
കുംഭാവുരുട്ടിക്കും മണലാറിനും മധ്യേ ആയതിനാല് മൊബൈല് ഫോണിന് ഇവിടെ കവറേജില്ലായിരുന്നു. മരം വീണ വിവരം പുറംലോകത്തെ അറിയിക്കാന് മാര്ഗമില്ലാതെ വന്നതോടെയാണു കണ്ടക്ടര് എംപി വിഭുവ് കരിങ്കല്ല് പ്രയോഗത്തിലേക്ക് എത്തിയത്.
ഡ്രൈവര് എ ഷാനവാസിന്റെ സഹായത്തോടെ ഏകദേശം അര മണിക്കൂറുകൊണ്ടു തേക്ക് മുറിച്ചുമാറ്റി ഗതാഗതം പുനഃസ്ഥാപിച്ചു. കാട്ടാന പലപ്പോഴും ഇത്തരത്തില് ബുദ്ധിമുട്ട് സൃഷ്ടിച്ചിട്ടുണ്ടെങ്കിലും കരിങ്കല്ലു കൊണ്ടു മരം മുറിച്ചുമാറ്റുന്നത് ആദ്യമാണ്.
Discussion about this post