തിരുവനന്തപുരം: വാഹനാപകടത്തിൽ പാമ്പുപിടുത്തക്കാരൻ വാവ സുരേഷിന് പരിക്ക്. തിരുവനന്തപുരം-കൊല്ലം തട്ടത്തുമലയിൽ വെച്ച് കെഎസ്ആർടിസി സൂപ്പർഫാസ്റ്റ് ബസും കാറും കൂട്ടിയിടിച്ചാണ് അപകടമുണ്ടായത്.
പരിക്കേറ്റ വാവ സുരേഷിനെ ഉടൻ തന്നെ തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു. രാവിലെ 11.30ഓടെയാണ് അപകടം നടന്നത്. തിരുവന്തപുരത്ത് നിന്നും ചെങ്ങന്നൂരിലേക്ക് പോകവെയാണ് അപകടം. കൂടെയുണ്ടായിരുന്നു ഡ്രൈവർക്കും പരിക്കേറ്റിട്ടുണ്ട്.
നേരത്തെ ഈ വർഷം ജനുവരിയിൽ കോട്ടയത്ത് വെച്ച് സുരേഷിന് മൂർഖന്റെ കടിയേറ്റിരുന്നു. കുറിച്ചയിൽ പാമ്പിനെ പിടികൂടുന്നതിനിടെയാണ് സുരേഷിനെ കടിയേറ്റത്. തുടർന്ന് ഗരുതരാവസ്ഥയിലായി സുരേഷിനെ വെന്റിലേറ്റിറിലേക്ക് പ്രവേശിക്കുകയായിരുന്നു. മരണ വക്കിൽ നിന്നാണ് വാവ സുരേഷ് അന്ന് കരകയറിയിരുന്നത്.