തിരുവനന്തപുരം: പോലീസ് തലപ്പത്ത് നിര്‍ണായക അഴിച്ചുപണി. പുതിയ ആംഡ് ബറ്റാലിയന്‍ എഡിജിപിയാക്കി മനോജ് എബ്രഹാമിനെ നിയമിച്ചു. നിലവില്‍ തിരുവനന്തപുരം ഐജിയുടെ ചുമതല ഇദ്ദേഹത്തിനാണ്. ഇത് തുടര്‍ന്നും നിര്‍വഹിക്കും.
കേരള പോലീസ് ഹൗസിങ് ആന്‍ഡ് കണ്സ്ട്രക്ഷന് കോര്പറേഷന് ലിമിറ്റഡ് സിഎംഡിയായിരുന്ന എന്‍ ശങ്കര്‍ റെഡ്ഡിയാണ് പുതിയ റോഡ് സേഫ്റ്റി കമ്മീഷണര്‍. ഇതിനായി എക്‌സ് കേഡര്‍ തസ്തിക സൃഷ്ടിച്ചു. േപാലീസ് ട്രെയിനിങ് കോളജ് പ്രിന്‍സിപ്പല്‍ ശ്യാം സുന്ദറിനെ കേരള പോലീസ് ഹൗസിങ് കണ്സ്ട്രക്ഷന് കോര്പറേഷന് സിഎംഡിയായി നിയമിച്ചു.
ഡിഐജിയായി സ്ഥാനകയറ്റം കിട്ടിയ കോഴിക്കോട് ജില്ലാ പോലീസ് മേധാവി കാളിരാജ് മഹേഷ് കുമാറിനെ പോലീസ് മേധാവിയായി കോഴിക്കോട് നിയമിച്ചു.കെഎപി നാലാം ബറ്റാലിയന്‍ കമന്‍ഡന്റ് കോറി സഞ്ജയ് കുമാര്‍ ഹെഡ് കോട്ടേഴ്‌സ് ഡിഐജിയാകും. എ അക്ബര്‍ ഡിഐജി സെക്യൂരിറ്റി. ഇവര്‍ക്ക് വേണ്ടിയും എക്‌സ് കേഡര്‍ തസ്തിക സൃഷ്ടിച്ചിട്ടുണ്ട്.
ആലപ്പുഴ എസ്പിയായി സ്ഥാനകയറ്റം നല്‍കി നിയമിച്ച സുജിത് ദാസിനെ കണ്ണൂര്‍ കെഎപി ബറ്റാലിയന്‍ കമന്‍ഡാന്റായി നിയമിച്ചു.