ചെന്നൈ: നാട്ടുകാര് നോക്കിനില്ക്കെ ബസ് സ്റ്റോപ്പില് വെച്ച് 16 കാരിയെ പരസ്യമായി താലികെട്ടിയ 17കാരന് അറസ്റ്റില്. തമിഴ്നാട്ടിലെ കൂടല്ലൂരിലാണ് സംഭവം. ബസ് സ്റ്റോപ്പില് ഇരിക്കുന്ന പെണ്കുട്ടിക്ക് 17കാരന് താലികെട്ടുന്നതിന്റെ വീഡിയോ സമൂഹമാധ്യമങ്ങളില് പ്രചരിച്ചിരുന്നു. ഇതിന് പിന്നാലെ പൊലീസ് ആണ്കുട്ടിയെ അറസ്റ്റ് ചെയ്തു. വീഡിയോ ശ്രദ്ധയില്പ്പെട്ടതോടെ പോലീസ് അന്വേഷണം ആരംഭിച്ചിരുന്നു.
ചൊവ്വാഴ്ചയാണ് 17കാരനെ പോലീസ് പിടികൂടിയത്. പിന്നാലെ പെണ്കുട്ടിയെ കൗണ്സിലിങ്ങിന് വിധേയയാക്കുകയും ആണ്കുട്ടിയെ ജുവനൈല് ഹോമിലേക്ക് മാറ്റുകയും ചെയ്തു. താലികെട്ടുന്ന വീഡിയോ പകര്ത്തി വീഡിയോ സമൂഹമാധ്യമങ്ങളില് പങ്കുവെച്ചവര്ക്കെതിരെയും കേസെടുത്തിട്ടുണ്ട്.
നാട്ടുകാര് നോക്കിനില്ക്കെയാണ് 17 കാരന് ബസ് സ്റ്റോപ്പില് വെച്ച് 16കാരിയെ താലികെട്ടിയത്. ഇത് പകര്ത്തി പ്രചരിപ്പിച്ച ബാലാജി ഗണേഷ് എന്നയാള്ക്കെതിരെയാണ് ജുവനൈല് ജസ്റ്റിസ് ആക്ട് പ്രകാരവും വിവിധ വകുപ്പുകള് ചേര്ത്ത് നടപടി എടുത്തത്.
Discussion about this post