‘തിരിച്ചും മറിച്ചും ആലോചിച്ചിട്ടും അന്ധാളിപ്പ് മാറുന്നില്ല, അവിശ്വസനീയമാണ്’ നരബലിയിൽ നടൻ ചന്തുനാഥ്

ഇലന്തൂരിൽ ധനസമ്പാദനത്തിനായി സ്ത്രീകളെ കൊലപ്പെടുത്തിയ സംഭവത്തിൽ മറ്റേതെങ്കിലും ‘മാഫിയ’ ഇടപെടലുകൾ ഉണ്ടോ എന്ന് ഉറപ്പുവരുത്തണമെന്ന ആവശ്യവുമായി നടൻ ചന്തുനാഥ്.

സ്ത്രീകളെ ബലികൊടുത്തത് കടബാധ്യത തീര്‍ക്കാന്‍: ഐശ്വര്യം വരുമെന്ന് മുഹമ്മദ് ഷാഫി വിശ്വസിപ്പിച്ചു; സംഭവത്തെ കുറിച്ച് ഭഗവല്‍ സിംഗും ഭാര്യയും

വാർത്ത കേട്ടിട്ട് വിശ്വസിക്കാനാകുന്നില്ലെന്നും തിരിച്ചും മറിച്ചും ആലോചിച്ചിട്ടും അന്ധാളിപ്പു മാറുന്നില്ലെന്നും താരം കൂട്ടിച്ചേർത്തു. നരബലിയും അത് തരുമെന്ന് വിശ്വസിച്ച സാമ്പത്തിക അഭിവൃദ്ധിയും ആണെങ്കിൽ …ഹാ കഷ്ടം എന്നെ പറയാനുള്ളുവെന്നും നടൻ പറയുന്നു.

കുറിപ്പിന്റെ പൂർണരൂപം;

അവിശ്വസനീയമാണ്

തിരിച്ചും മറിച്ചും ആലോചിച്ചിട്ടും അന്ധാളിപ്പ് മാറിയിട്ടില്ലാത്ത 2022ൽ ജീവിച്ചിരിക്കുന്ന, സർവോപരി മലയാളിയായ എന്റെ ആവലാതിയാണ് ഞാൻ പറയുന്നത്. മൃതദേഹങ്ങൾ കണ്ടെടുക്കുമ്പോൾ എല്ലാ അവയവങ്ങളും അതാത് സ്ഥാനങ്ങളിൽ ഉണ്ടോ എന്ന് പൊലീസ് ഉറപ്പു വരുത്തണം. പോസ്റ്റുമാർട്ടത്തിൽ വ്യക്തമാകും എന്നുറപ്പുണ്ട് ..എന്നിരുന്നാലും

മറ്റേതെങ്കിലും ‘മാഫിയ’ ഇടപെടലുകൾ ഈ അരുംകൊലകളിൽ ഉണ്ടോ എന്ന് തുടർ അന്വേഷണങ്ങളിൽ തെളിയണം. അതല്ല ‘primary motive’ നരബലിയും അത് തരുമെന്ന് വിശ്വസിച്ച സാമ്പത്തിക അഭിവൃദ്ധിയും ആണെങ്കിൽ …ഹാ കഷ്ടം എന്നെ പറയാനുള്ളു..മരവിപ്പ്..