കോഴിക്കോട്: ഫറൂഖ് കോളേജിന് സമീപം റോഡില്‍ തെരുവ് നായ കുറുകെ ചാടിയതിനെ തുടര്‍ന്നു ഗുഡ്സ് ഓട്ടോറിക്ഷ നിയന്ത്രണം വിട്ടു മറിഞ്ഞ് അപകടം. ഗുരുതരമായി പരിക്കേറ്റ വാഹനത്തില്‍ സഞ്ചരിക്കുകയായിരുന്ന യുവാവ് മരിച്ചു.
ഐക്കരപടി സ്വദേശി സൗരവ് ആണ് മരിച്ചത്. 21 വയസ്സായിരുന്നു. വെള്ളിയാഴ്ച പുലര്‍ച്ചെ 5.15 ഓടെ ആയിരുന്നു അപകടം.
ഫറൂഖ് കോളജ്- വാഴക്കാട് റോഡില്‍ കാരാട് പറമ്പ് സ്ഥാനാര്‍ത്ഥി പടിയില്‍ ആണ് അപകടം നടന്നത്. സുഹൃത്ത് രാഹുല്‍ ശങ്കര്‍ പരുക്കുകളോടെ കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുകയാണ്.