കട്ടപ്പന: ബൈക്ക് ഓടിക്കുന്നതിനിടെ, മൊബൈൽ ഫോണിൽ ഫെയ്‌സ്ബുക്ക് ലൈവ് ചെയ്ത യുവാവിനെ മോട്ടോർ വാഹന വകുപ്പ് പിടികൂടി. ലൈസൻസ് മൂന്നുമാസത്തേക്ക് സസ്‌പെൻഡ് ചെയ്തതോടൊപ്പം പ്രത്യേക പരിശീലനത്തിന് വിടാനും ഇടുക്കി ആർടിഒ ഉത്തരവിട്ടു.
കഴിഞ്ഞ ദിവസമാണ് ഇടുക്കി നായരുപാറ സ്വദേശി പുത്തൻപുരയിൽ പി ആർ വിഷ്ണു ചെറുതോണി-പൈനാവ് റോഡിൽ മൊബൈൽ ഫോണിൽ ലൈവ് ചെയ്ത് തന്റെ എൻഫീൽഡ് ബൈക്ക് ഓടിക്കുകയായിരുന്നു.
പ്രണയം നടിച്ച് മലപ്പുറത്തേക്ക് തട്ടിക്കൊണ്ടുവന്ന ബംഗാളി പെൺകുട്ടിയെ രക്ഷപ്പെടുത്തി, കാമുകൻ അറസ്റ്റിൽ
ഷാജി പാപ്പൻ എന്ന ഫെയ്‌സ്ബുക്ക് പേജിലൂടെയായിരുന്നു ലൈവ്. ഇത് ശ്രദ്ധയിൽപെട്ട ആർടിഒ ആർ രമണൻ ഇയാളെ വിളിച്ചുവരുത്തിയാണ് നടപടി എടുത്തത്.
മൂന്നുമാസത്തേക്ക് ലൈസൻസ് സസ്‌പെൻഡ് ചെയ്തതിന് പുറമെ ഡ്രൈവർമാരെ നേർവഴിക്ക് കൊണ്ടുവരാനുള്ള ഐഡിടിആർ പരിശീലനത്തിന് സ്വന്തം ചെലവിൽ പോകാനും യുവാവിനോട് ആർടിഒ നിർദ്ദേശിച്ചു.
Discussion about this post