ശബരിമല: ശബരിമലയില്‍ ദര്‍ശനം നടത്തി കാലിക്കറ്റ് സര്‍വകലാശാല മുന്‍ വിസി ഡോ. അബ്ദുള്‍ സലാം. അദ്ദേഹം തന്നെയാണ് ഫേസ്ബുക്കില്‍ ശബരിമല അയ്യപ്പനെ കണ്ട് തൊഴുവാന്‍ സാധിച്ചതിന്റെ സന്തോഷം പങ്കുവച്ചത്. സന്നിധാനത്ത് നിന്നുമുള്ള ചിത്രങ്ങളും പോസ്റ്റ് ചെയ്തിട്ടാണ് തന്റെ അനുഭവം അദ്ദേഹം വെളിപ്പെടുത്തിയത്.
‘ഇന്ന് ശബരിമല ദര്‍ശനം നടത്താനുള്ള ഭാഗ്യം ലഭിച്ചു. സ്വാമി അയ്യപ്പന്റെയും വാവര് സ്വാമിയുടെയും സന്നിധിയിലെത്തി പ്രാര്‍ത്ഥിച്ചു. അതൊരു അവിശ്വസനീയമായ അനുഭവമായിരുന്നു.’ എന്നാണ് ഡോ. അബ്ദുള്‍ സലാം ഫേസ്ബുക്കില്‍ കുറിച്ചത്.
കാലിക്കറ്റ് സര്‍വകലാശാല മുന്‍ വൈസ് ചാന്‍സലറായിരുന്ന അബ്ദുല്‍ സലാം പിന്നീട് ബിജെപി അംഗത്വം സ്വീകരിച്ചിരുന്നു. കഴിഞ്ഞ വര്‍ഷമാണ് ഡോ. അബ്ദുല്‍ സലാമിനെ ന്യൂനപക്ഷ മോര്‍ച്ച ദേശീയ ഉപാധ്യക്ഷനായി ബിജെപി ദേശീയ അധ്യക്ഷന്‍ ജെപി നഡ്ഡ നിയമിച്ചത്. നിയമസഭാ തെരഞ്ഞെടുപ്പില്‍ തിരൂര്‍ മണ്ഡലത്തില്‍ ബിജെപി സ്ഥാനാര്‍ഥിയായി മത്സരിച്ചെങ്കിലും പരാജയപ്പെട്ടിരുന്നു.
