കോട്ടയം: കറുകച്ചാലിലെ പാറക്കുളത്തില് ദുരൂഹ സാഹചര്യത്തില് യുവാവിന്റെ മൃതദേഹം കണ്ടെത്തി. ബൈക്കില് കയറുകൊണ്ട് ബന്ധിച്ച നിലയിലായിരുന്നു മൃതദേഹം. ഇന്ന് രാവിലെയാണ് സംഭവം. പോലീസ് എത്തി മൃതദേഹം തിരിച്ചറിഞ്ഞു. ആലപ്പുഴ കൈനടി വടക്കാട്ട് വീട്ടില് മുകേഷാണ് മരിച്ചത്. എന്നാല് കൂടുതല് കാര്യങ്ങളൊന്നും പുറത്ത് വിട്ടിട്ടില്ല.
മുകേഷിനെ കഴിഞ്ഞ കുറെ നാളുകളായി കാണാനില്ലായിരുന്നെന്ന് ബന്ധുക്കള് നേരത്തെ പരാതി നല്കിയിരുന്നു. ഇതിനിടെയാണ് മൃതദേഹം കണ്ടത്. വിവരമറിഞ്ഞെത്തിയ കറുകച്ചാല് പോലീസും പാമ്പാടി ഫയര്ഫോഴ്സും ചേര്ന്ന് മൃതദേഹം കുളത്തില്നിന്ന് പുറത്തെടുത്തു. സംഭവത്തില് ദുരൂഹതയുണ്ടെന്നും ആത്മഹത്യയാണോ കൊലപാതകമാണോ എന്നകാര്യം ഇപ്പോള് സ്ഥിരീകരിക്കാനാകില്ലെന്നും പോലീസ് അറിയിച്ചു.
അതേസമയം പോസ്റ്റ്മോര്ട്ടം പൂര്ത്തിയായ ശേഷം മറ്റ് കാര്യങ്ങള് പറയാമെന്നാണ് പോലീസ് നിലപാട്.ഇന്ക്വസ്റ്റ് നടപടികള് പൂര്ത്തിയായ മൃതദേഹം ഇപ്പോള് കോട്ടയം മെഡിക്കല് കോളേജ് ആശുപത്രിയിലേക്ക് മാറ്റി
Discussion about this post