ഗായിക അമൃത സുരേഷിന്റെയും സംഗീത സംവിധായകന്‍ ഗോപി സുന്ദറിന്റെയും പുതിയ ബന്ധമാണ് സോഷ്യല്‍ ലോകത്ത് വൈറലാകുന്നത്. ഗോപി സുന്ദറിന് പിറന്നാളാശംസകള്‍ അറിയിച്ചിരിക്കുകയാണ് അമൃത സുരേഷിന്റെ സഹോദരിയും ഗായികയുമായ അഭിരാമി സുരേഷ്. ഗോപി സുന്ദറിനും അമൃതയ്ക്കുമൊപ്പമുള്ള ചിത്രം പങ്കുവച്ചുകൊണ്ട്, ഇന്‍സ്റ്റഗ്രാമിലൂടെയാണ് ജന്മദിനാശംസകള്‍ അറിയിച്ചിരിക്കുന്നത്.
യാതൊന്നും ശാശ്വതമല്ലാത്ത ജീവിത യാത്രയില്‍ ഞാന്‍ ഒരു സഹോദരനെ കണ്ടെത്തി… മാന്ത്രിക സംഗീതം നല്‍കുന്നവന്‍, എന്റെ സഹോദരിയില്‍ പുഞ്ചിരി നിറയ്ക്കുന്നയാള്‍… എന്നെ മൂത്തമകള്‍ എന്ന് വിളിക്കുന്ന, തന്റെ ജീവിതത്തിലെ മനുഷ്യരെക്കുറിച്ച് വളരെയധികം സംസാരിക്കുന്നയാള്‍ക്ക് സ്‌നേഹവും ബഹുമാനവും…
ജന്മദിനാശംസകള്‍ സഹോദരാ… മനോഹരമായ കലയും ഹൃദയവും കൊണ്ട് നിങ്ങള്‍ അത്ഭുതങ്ങള്‍ സൃഷ്ടിക്കട്ടെ…നിങ്ങള്‍ക്കായി പ്രാര്‍ത്ഥിക്കുന്നു… നമ്മുടെ വിധി എന്താണെന്ന് ആര്‍ക്കെങ്കിലും അറിയാമോ? അതുകൊണ്ട് നമുക്ക് സ്‌നേഹിക്കാം.. പോസിറ്റിവിറ്റി പ്രചരിപ്പിക്കാം.. ഏറ്റവും പ്രധാനമായി, നമുക്കെല്ലാവര്‍ക്കും ജീവിക്കാം.സ്‌നേഹിക്കട്ടെ… വിധിക്കരുത്.. മറ്റുള്ളവരുടെ പുഞ്ചിരിക്കായി പുഞ്ചിരിക്കാന്‍ നമുക്ക് പഠിക്കാം…
സുന്ദരമായ മനസോടെ… നമുക്ക് വ്യക്തിപരമായി പരിചയമില്ലാത്ത ആളുകളെക്കുറിച്ച് സോഷ്യല്‍ മീഡിയയില്‍ കാണുന്ന കാര്യങ്ങള്‍ അന്വേഷിക്കരുത്. ഒത്തിരി പ്രാര്‍ത്ഥനകളോടും എല്ലാവരോടും സ്‌നേഹത്തോടും കൂടി..ഗോപി ചേട്ടന് വേണ്ടി ഈ ഹൃദയം നിറഞ്ഞ കുറിപ്പ് സമര്‍പ്പിക്കുന്നു. ഒരിക്കല്‍ കൂടി ജന്മദിനാശംസകള്‍ ബ്രോ.’- അഭിരാമി കുറിച്ചു.
അമൃത സുരേഷും ഗോപി സുന്ദറിന്റെ പിറന്നാള്‍ ദിനത്തില്‍ ആശംസകള്‍ നേര്‍ന്നിരുന്നു. ‘ഒരായിരം പിറന്നാള്‍ ആശംസകള്‍, എന്റേത്’ എന്ന് അമൃത സുരേഷ് ഇന്‍സ്റ്റഗ്രാമില്‍ കുറിച്ചു.
ഈയിടെയാണ് അമൃത സുരേഷും ഗോപി സുന്ദറും തമ്മില്‍ പ്രണയത്തിലാണെന്ന് ആരാധകരെ അറിയിച്ചത്പിന്ന. ‘പിന്നിട്ട കാതങ്ങള്‍ മനസ്സില്‍ കുറിച്ച് അനുഭവങ്ങളുടെ കനല്‍വരമ്പു കടന്ന് കാലവും കാറ്റും പുതിയ വഴികളിലേക്ക്’എന്ന ഒരേ കുറിപ്പോടെയാണ് ഇവര്‍ ചിത്രം പങ്കുവച്ചത്.
Discussion about this post