കോഴിക്കോട്: ശബരിമല സംരക്ഷണം എന്ന പേരില്‍ സ്ത്രീപ്രവേശനത്തെ എതിര്‍ക്കുന്നവരെ വിമര്‍ശിച്ച് എഴുത്തുകാരി ശാരദക്കുട്ടി. ‘മുന്നോട്ട് പോകുന്ന ട്രെയിനില്‍ കുറേ പേര്‍ പുറം തിരിഞ്ഞ് ഇരുന്നു എന്ന് കരുതി പ്രത്യേകമായി ഒന്നും സംഭവിക്കില്ല. അവരെയും കൊണ്ട് ട്രെയിന്‍ മുന്നോട്ട് പോകുമെന്നും’ ശാരദക്കുട്ടി പറയുന്നു. തന്റെ ഫെസ്ബുക്കിലൂടെയാണ് ശാരദക്കുട്ടി വിമര്‍ശനം ഉന്നയിച്ചത്.
അതെസമയം സ്ത്രീപ്രവേശനത്തെ എതിര്‍ത്ത് നിലക്കലില്‍ പ്രതിഷേധം നടത്തുന്ന സമരക്കാര്‍ നിയമം കയ്യിലെടുക്കുകയാണ് ചെയ്യുന്നത്. ഇന്നലെ റിപ്പോര്‍ട്ടിംഗിന് വന്ന മാധ്യമപ്രവര്‍ത്തകരെയും മാധ്യമ വിദ്യാര്‍ത്ഥികളെയും പമ്പയിലേക്ക് പോകാന്‍ അനുവദിക്കാതിരിക്കുകയും ഇവരെ ബസില്‍ നിന്ന് വലിച്ചിറക്കുകയും ചെയ്തിരുന്നു.
ഇന്നും വലിയ രീതിയിലുള്ള ആക്രമണമാണ് നടക്കുന്നത് രാവിലെ ദേശീയ മാധ്യമമായ റിപ്പബ്‌ളിക്ക് ടിവിയുടെ മാധ്യമപ്രവര്‍ത്തകയെ കയ്യേറ്റം ചെയ്യുകയും അവര്‍ സഞ്ചരിച്ചിരുന്ന വണ്ടി തല്ലിത്തകര്‍ക്കുകയും ചെയ്തിരുന്നു. ഇപ്പോള്‍ ന്യൂസ് 18 മാധ്യമപ്രവര്‍ത്തകയെയും കയ്യേറ്റം ചെയ്യുകയും വാഹനം തല്ലിത്തകര്‍ക്കുകയും ചെയ്തിട്ടുണ്ട്. ആരേയും തടയാന്‍ അനുവാദമില്ല, തടയുന്നവര്‍ക്കെതിരെ കേസ് എടുക്കുമെന്നും ഡിജിപി പറഞ്ഞിരുന്നു.ഇതിനെ ഒന്നും വക വയ്ക്കാതെയാണ് ആക്രമണം അഴിച്ച് വിടുന്നത്.
Discussion about this post