സോഷ്യൽമീഡിയയിൽ മുഖ്യമന്ത്രി പിണറായി വിജയന്റെ പുതിയ ചിത്രങ്ങൾ വൈറലായതോടെ അഭിനന്ദനവുമായി നടൻ ഹരീഷ് പേരടി രംഗത്ത്. യുഎസിൽ നിന്നും ചികിത്സ കഴിഞ്ഞ് പാന്റ്‌സും ഷർട്ടുമൊക്കെയായി സ്റ്റൈലായി വിമാനത്താവളത്തിൽ നിന്നും പുറത്തുവരുന്ന മുഖ്യമന്ത്രിയുടെ ചിത്രം സോഷ്യൽമീഡിയ ഏറ്റെടുത്തിരുന്നു.
‘എന്തായാലും ടീച്ചറുടെ അടുത്ത് എത്തില്ല. വേഷത്തിൽ സഖാവിനെക്കാൾ ഒരു അഞ്ച് മാർക്ക് ഞാൻ ടീച്ചർക്ക് കൊടുക്കും. ജീവിക്കുന്ന കാലത്തിനനുസരിച്ച് രാഷ്ട്രിയത്തെ പുതുക്കാൻ വേഷങ്ങൾക്ക് വലിയ പ്രാധാന്യമുണ്ട്. പഴയ കോലങ്ങൾ മാറ്റുമ്പോൾ തന്നെയാണ് പുതിയ ചിന്തകൾക്കും പ്രസ്‌ക്തിയേറുന്നത്’- ഹരീഷ് പേരടി കുറിച്ചു.
ദുബായിയിൽ എത്തിയ മുഖ്യമന്ത്രിയും ഭാര്യ കമലയും വിവിധ സ്ഥലങ്ങൾ സന്ദർശിച്ചതിന് ശേഷമാണ് കേരളത്തിലേക്ക് മടങ്ങുക. ഇരുവരും പുത്തൻ സ്റ്റൈലിൽ എത്തിയത് വലിയ ചർച്ചയാവുകയാണ്.
നടൻ ഹരീഷ് പേരടിയുടെ ഫേസ്ബുക്ക് കുറിപ്പ്:
സഖാവേ ഇത് തകർത്തു…70 വയസ്സ് കഴിഞ്ഞവരിൽ എല്ലാ വേഷങ്ങളും ചേരുന്ന ഒരാൾ മമ്മുക്കയാണെന്നായിരുന്നു എന്റെ ഇതുവരെയുള്ള ധാരണ…നിങ്ങൾ അതിനെയും പൊളിച്ചു…എന്തായാലും ടീച്ചറുടെ അടുത്ത് എത്തില്ല…വേഷത്തിൽ സഖാവിനെക്കാൾ ഒരു അഞ്ച് മാർക്ക് ഞാൻ ടീച്ചർക്ക് കൊടുക്കും…ജീവിക്കുന്ന കാലത്തിനനുസരിച്ച് രാഷ്ട്രിയത്തെ പുതുക്കാൻ വേഷങ്ങൾക്ക് വലിയ പ്രാധാന്യമുണ്ട്…പഴയ കോലങ്ങൾ മാറ്റുമ്പോൾ തന്നെയാണ് പുതിയ ചിന്തകൾക്കും പ്രസ്‌ക്തിയേറുന്നത്..കരിപുരണ്ട പഴയ തീവണ്ടിയേക്കാൾ ഭംഗിയില്ലേ നമ്മുടെ സ്വപ്നത്തിലെ കെ.റെയിലിന് …അതുകൊണ്ട്തന്നെ നിങ്ങൾ രണ്ടുപേരുടെയും ഈ ആധുനികതക്ക്,പുതിയ വേഷത്തിന് സമകാലിക കേരളരാഷ്ട്രീയത്തിൽ വലിയ പ്രസ്‌ക്തിയുണ്ട്…കൃത്യമായ രാഷ്ട്രിയമുണ്ട്…ലാൽസലാം????????????