കൊച്ചി: കാണാതായ സ്കൂള് വിദ്യാര്ഥിനിയെ പെരിയാറില് മുങ്ങി മരിച്ച നിലയില് കണ്ടെത്തി. അടുവാതുരുത്ത് ആലുങ്കപറമ്പില് രാജേഷിന്റെ മകള് നന്ദനയെയായണ് പെരിയാറില് മുങ്ങി മരിച്ച നിലയില് കണ്ടെത്തിയത്. കോട്ടപ്പുറം കെഇഎംഎച്ച് സ്കൂളിലെ പത്താംക്ലാസ് വിദ്യാര്ത്ഥിനിയാണ് നന്ദന. ബുധനാഴ്ച ആലുവ യുസി കോളേജിനു സമീപം തടിക്ക കടവിനു സമീപത്തുനിന്നാണ് കുട്ടിയെ കാണാതായത്.
ശേഷം, അഗ്നിശമന സേനയും പോലീസും നാട്ടുകാരും നടത്തിയ തെരച്ചിലിനൊടുവിലാണു തടിക്ക കടവിനു സമീപം പെരിയാറില് നിന്ന് മൃതദേഹം കണ്ടെത്തിയത്. ബുധനാഴ്ച സ്കൂളില് പോയ നന്ദനയെ വൈകുന്നേരം മൂന്നു മണിയോടെയാണ് കാണാതായത്.
ശേഷം മാതാപിതാക്കള് നല്കിയ പരാതിയുടെ അടിസ്ഥാനത്തില് അന്വേഷണം ആരംഭിച്ചു. കുട്ടിയുടെ സ്കൂള് ബാഗ് പെരിയാര് തീരത്തു നിന്നു കണ്ടെത്തിയിരുന്നു. സമീപത്തെ സിസിടിവി ദൃശ്യങ്ങളിലും കുട്ടി പെരിയാര് തീരത്തേക്കു പോകുന്നതു കണ്ടെത്തിയിരുന്നു. ശേഷം നടത്തിയ തെരച്ചിലിലാണ് മൃതദേഹം കണ്ടെടുത്തത്.
Discussion about this post