ശബരിമല: ശബരിമല ദര്‍ശനത്തിനായി എത്തിയ തങ്ങളെ പോലീസ് നിര്‍ബന്ധിച്ച് തിരിച്ചിറക്കുകയായിരുന്നെന്ന് ബിന്ദു. തനിക്കോ കൂടെയുള്ള കനക ദുര്‍ഗക്കോ തനിക്കോ ദേഹാസ്വാസ്ഥ്യമില്ലെന്നും ബിന്ദു പറഞ്ഞു. പോലീസ് നിര്‍ബന്ധിച്ച് തിരിച്ചിറക്കുകയാണ്. ഗസ്റ്റ് റൂമിലേക്ക് ആണെന്ന് പറഞ്ഞാണ് തങ്ങളെ തിരിച്ചിറക്കിയത്. കനകദുര്‍ഗയെ പോലീസ് എടുത്തുകൊണ്ടുപോയി. പോലീസും പ്രതിഷേധക്കാരും ഒത്തുകളിക്കുകയാണെന്നും ബിന്ദു ആരോപിച്ചു.
തിരിച്ചു പോകാന്‍ തയ്യാറല്ലെന്ന് അറിയിച്ചിട്ടും പോലീസ് എടുത്തുകൊണ്ടുപോവുകയാണ് ചെയ്തത്. തന്ത്രപരമായി തന്നെ ഇവിടെ നിന്ന് പുറത്തെത്തിക്കാനാണ് പോലീസ് ശ്രമിക്കുന്നത്. ഇതിനു മുമ്പ് കയറിയവരോടും െോലീസ് ഇതേ തന്ത്രമായിരുന്നു പ്രയോഗിച്ചതെന്നും ബിന്ദു ആരോപിച്ചു.
എന്നാല്‍, കോടതിവിധി നടപ്പാക്കാന്‍ പോലീസ് ശ്രമിച്ചിട്ടുണ്ടെന്നായിരുന്നു ഡിജിപിയുടെ വിശദീകരണം. ക്രമസമാധാന പ്രശ്‌നമുണ്ടാകുന്ന ഒരു നടപടിയും പോലീസ് സ്വീകരിക്കില്ല. യുവതികളെ തിരിച്ചിറക്കിയത് ക്രമസമാധാന പ്രശ്‌നം മൂലമാണ്. കനകദുര്‍ഗക്ക് ദേഹാസ്വാസ്ഥ്യം അനുഭവപ്പെട്ടിട്ടുണ്ടെന്നും പോലീസ് വ്യക്തമാക്കുന്നു.
Discussion about this post