കൊച്ചി: തീവ്രദേശീയ വാദികൾ വിവാദമാക്കിയ യൂട്യൂബർ ഫിറോസ് ചുട്ടിപ്പാറയുടെ മയിലിനെ പാകം ചെയ്യുമെന്ന വീഡിയോ വൈറലാകുന്നതിനെ അടുത്ത വീഡിയോയുമായി ഫുഡ് വ്‌ലോഗർ രംഗത്ത്. മയിലിനെ വാങ്ങുന്നതും കറിയോ ഗ്രിൽ ചെയ്യാനോ തയ്യാറെടുക്കുന്നതുമാണ് ഇപ്പോൾ പുറത്തിങ്ങിയ വീഡിയോയിലുള്ളത്.
പീലികളുള്ള മയിലിനെ തന്നെ തേടി നടക്കുന്നതും ഓസ്‌ട്രേലിയ, പോളണ്ട് മയിലിനെയും ഇന്ത്യൻ മയിലിനെയും വീഡിയോയിൽ അദ്ദേഹം പ്രദർശിപ്പിക്കുന്നുണ്ട്. മയിലിന്റെ വില, തൂക്കം തുടങ്ങിയവയും വീഡിയോയിൽ വ്യക്തമാക്കുന്നുണ്ട്. ഒന്നുകിൽ ഈ മയിലിനെ കറി അല്ലെങ്കിൽ ഗ്രില്ല് എന്നു പറഞ്ഞുകൊണ്ടാണ് ഫിറോസ് പുതിയ എപ്പിസോഡ് അവസാനിപ്പിക്കുന്നത്.
നേരത്തെ മയിലിനെ കറിവെക്കാനായി ദുബായിലേക്ക് പോവുകയാണെന്ന ഫിറോസിന്റെ പ്രഖ്യാപനം ഒരുപറ്റം തീവ്രദേശീയ വാദികളേയും സംഘപരിവാർ അനുകൂലികളേയും പ്രകോപിപ്പിച്ചിരുന്നു. അവരുടെ വിദ്വേഷ ക്യാംപെയിനിന് ഇടയിലാണ് ഫിറോസിന്റെ പുതിയ വീഡിയോ പുറത്തിറങ്ങിയിരിക്കുന്നത്. പ്രകോപനം സൃഷ്ടിക്കുന്ന കമന്റുകൾ വീഡിയോയ്ക്ക് ലഭിക്കുന്നുണ്ടെങ്കിലും ഫിറോസ് ഇതുവരെ ഒന്നിനോടും പ്രതികരിച്ചിട്ടില്ല.
Discussion about this post