നടന്‍ ചെമ്പന്‍ വിനോദ് ജോസിന്റെ പിതാവ് അന്തരിച്ചു. മാളിയേക്കല്‍ ചെമ്പന്‍ ജോസ് ആണ് മരിച്ചത്. സംസ്‌കാരം നവംബര്‍ 13ന് വൈകിട്ട് നാല് മണിക്ക് അങ്കമാലി ബസിലിക്കയില്‍ വെച്ച് നടത്തും. ഭാര്യ: ആന്നിസ്. മക്കള്‍: ചെമ്പന്‍ വിനോദ് ജോസ്, ഉല്ലാസ് ജോസ്, ദീപ ജോസ്.
2010-ല്‍ നായകന്‍ എന്ന സിനിമയിലൂടെയാണ് ചെമ്പന്‍ വിനോദ് അഭിനയ രംഗത്തേയ്ക്ക്് എത്തിയത്. ആമേന്‍, ടമാര്‍ പഠാര്‍, സപ്തമശ്രീ തസ്‌കര എന്നീ ചിത്രങ്ങളിലൂടെ അദ്ദേഹം പ്രേക്ഷക പ്രിയങ്കരനായി. 2017ല്‍ അങ്കമാലി ഡയറീസിലൂടെ തിരക്കഥാരംഗത്തും ചുവടുവച്ചു. 2018ല്‍ ഗോലിസോഡ 2വിലൂടെ തമിഴിലും അഭിനയത്തില്‍ അരങ്ങേറ്റം നടത്തി.
