കോട്ടയം: പരുന്ത് കൊത്തിയിളക്കിയ കടന്നല്‍ക്കൂട് ഇളകിയെത്തി പരക്കെ ആക്രമണം. കോട്ടയം വെളിയന്നൂരിലാണ് സംഭവം. കടന്നല്‍ ആക്രമണത്തില്‍ ഭിന്നേശിക്കാരിയായ യുവതി ഉള്‍പ്പടെ രണ്ടു പേര്‍ക്ക് സാരമായി പരിക്കേറ്റു. യുവതിയെ കോട്ടയം മെഡിക്കല്‍ കോളജ് ആശുപത്രിയിലേക്ക് മാറ്റിയിരിക്കുകയാണ്.
വെളിയന്നൂര്‍ ജംഗ്ഷനിലുള്ള വലിയ ആഞ്ഞിലി മരത്തിന് മുകളിലാണ് കടന്നല്‍ക്കൂടുണ്ടായിരുന്നത്. കഴിഞ്ഞ ദിവസം വൈകുന്നേരം പരുന്ത് ഇതില്‍ കൊത്തിയതോടെ കടന്നലുകള്‍ ഇളകി എത്തുകയായിരുന്നു. വീട്ടുമുറ്റത്ത് നിന്ന യുവതിയെ കൂട്ടമായി ആക്രമിക്കുകയായിരുന്നു. വീടിനുള്ളിലേക്ക് ഇവര്‍ ഓടിക്കയറിയെങ്കിലും കടന്നലിന്റെ കുത്തേറ്റിരുന്നു.
രക്ഷിക്കാനെത്തിയ രക്ഷിക്കാനെത്തിയ ഓട്ടോ ഡ്രൈവര്‍ ഷാജിക്കും കുത്തേറ്റു. കടന്നലിന്റെ ആക്രമണം കാര്യമാക്കാതെ ഷാജി ജയ്‌മോളെ രക്ഷിച്ച് വെളിയന്നൂരിലെ സര്‍ക്കാര്‍ ആശുപത്രിയില്‍ എത്തിക്കുകയും ചെയ്തു. തുടര്‍ന്ന് വിദഗ്ധ ചികിത്സക്കായി കോട്ടയം മെഡിക്കല്‍ കോളേജ് ആശുപത്രിയിലേക്കു മാറ്റി. ഷാജിയുടെ മുഖത്തും ശരീര ഭാഗങ്ങളിലും കുത്തേറ്റു. .ജയ്‌മോളുടെ മുഖത്തും ശരീരത്തിലും കുത്തേറ്റിട്ടുണ്ട്. ആരോഗ്യനില തൃപ്തികരമാണെന്ന് ബന്ധുക്കള്‍ അറിയിച്ചു.