പാലക്കാട്: പത്തുവയസുകാരിയെ തട്ടിക്കൊണ്ടുപോകാന്‍ ശ്രമിച്ച അന്യസംസ്ഥാന തൊഴിലാളി അറസ്റ്റില്‍. നോബിന്‍ മീട്ടാല (22)യെന്ന ജാര്‍ഖണ്ഡ് സ്വദേശിയെ നാട്ടുകാര്‍ ഓടിച്ചിട്ട് പിടിച്ച് പോലീസില്‍ ഏല്‍പ്പിച്ചു.
അമ്മയ്ക്കൊപ്പം സ്‌കൂട്ടറില്‍ വരികയായിരുന്ന രണ്ടുകുട്ടികളില്‍ ഇളയ കുട്ടിയെയാണ് പ്രതി തട്ടിക്കൊണ്ടുപോകാന്‍ ശ്രമിച്ചത്. സ്‌കൂട്ടറിന് പിറകിലിരുന്ന കുട്ടിയുടെ ചെരിപ്പ് താഴെവീണപ്പോള്‍ അതെടുക്കാനായി വണ്ടി നിര്‍ത്തി.
ചെരുപ്പെടുക്കാന്‍ അമ്മയും മൂത്ത കുട്ടിയും പിറകിലേക്ക് നടക്കുന്നതിനിടെ സ്‌കൂട്ടറിലിരുന്ന ഇളയ കുട്ടിയുടെ ദേഹത്തേക്ക് പുതപ്പിട്ടുമൂടി തട്ടിക്കൊണ്ടുപോകാന്‍ ശ്രമിക്കയായിരുന്നു ഇയാള്‍. തുടര്‍ന്ന് ഇരുവരും ബഹളംവെച്ചതോടെ നാട്ടുകാര്‍ പ്രതിയെ പിടികൂടി കൈകാര്യം ചെയ്യുതകയായിരുന്നു.
നാട്ടുകാരുടെ മര്‍ദനം ഏറ്റതോടെ നോബിനെ ജില്ലാ ആശുപത്രിയില്‍ പ്രവേശിപ്പിച്ചിരിക്കുകയാണ്. ഇയാള്‍ക്ക് തലയ്ക്ക് നിസ്സാര മുറിവേയുള്ളൂവെന്ന് ഡോക്ടര്‍ പറഞ്ഞു.
Discussion about this post