തൃശ്ശൂര്‍: ഒരു തെങ്ങിന്‍ തൈയുമായി നില്‍ക്കുന്ന കുട്ടിയുടെ ചിത്രം പങ്കുവെച്ച് നടനും എംപിയുമായ സുരേഷ് ഗോപി. തിരുവില്ലാമലയില്‍ വിതരണം ചെയ്ത തെങ്ങിന്‍ തൈ തനിക്കും കിട്ടിയ വിവരം അറിയിച്ച കുട്ടിയോടുള്ള കടപ്പാടും സ്‌നേഹവും നന്ദിയും സുരേഷ് ഗോപിയും പങ്കുവെച്ചു.
ഫേസ്ബുക്കിലാണ് സുരേഷ് ഗോപി കുട്ടിയുടെ ചിത്രവും ഒപ്പം മറുപടി കുറിപ്പും പങ്കുവെച്ചത്. ”തിരുവില്ലാമല പഞ്ചായത്തില്‍ സാര്‍ വിതരണം ചെയ്ത തെങ്ങിന്‍തൈ എനിക്കും കിട്ടി. ഇതിനെ ഞാന്‍ നല്ലതുപോലെ പരിപാലിച്ചു. ഇതില്‍ തേങ്ങ ഉണ്ടാകുമ്പോള്‍ അതിലെ കരിക്കിന്‍ വെള്ളം കുടിക്കാന്‍ സാറിനെ ഞാന്‍ വിളിക്കും.”- എന്നായിരുന്നു പെണ്‍കുട്ടിയുടെ കുറിപ്പ്.
ഉറപ്പായും തിരുവില്ലാമലയില്‍ വന്ന് കാണുമെന്ന് ഇതിന് മറുപടിയായി സുരേഷ് ഗോപി കുറിച്ചു.
സുരേഷ് ഗോപി പങ്കുവെച്ച കുറിപ്പ്
‘നന്ദി സാര്‍, ഇന്നലെ തിരുവില്ലാമല പഞ്ചായത്തില്‍ സാര്‍ വിതരണം ചെയ്ത തെങ്ങിന്‍തൈ എനിക്കും കിട്ടി. ഇതിനെ ഞാന്‍ നല്ലതുപോലെ പരിപാലിച്ചു. ഇതില്‍ തേങ്ങ ഉണ്ടാകുമ്പോള്‍ അതിലെ കരിക്കിന്‍ വെള്ളം കുടിക്കാന്‍ സാറിനെ ഞാന്‍ വിളിക്കും. അപ്പോള്‍ വരണം കേട്ടോ..’ ഇങ്ങനെയാണ് കുട്ടിയുടെ ചിത്രം പങ്കുവച്ച പോസ്റ്റിലെ കുറിപ്പ്.
