തിരുവനന്തപുരം: പാല ബിഷപ്പ് പറഞ്ഞ കാര്യങ്ങള്‍ എന്തുകൊണ്ട് കേരളം മുന്‍വിധിയില്ലാതെ ചര്‍ച്ച ചെയ്യുന്നില്ലെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. നാര്‍ക്കോട്ടിക് ജിഹാദ് ലോകം മുഴുവന്‍ ഉള്ളതാണെന്നും കെ സുരേന്ദ്രന്‍ പറഞ്ഞു. കോട്ടയത്ത് നടത്തിയ വാര്‍ത്താ സമ്മേളനത്തിലാണ് കെ സുരേന്ദ്രന്‍ ഇക്കാര്യം പറഞ്ഞത്.
ഭീകരവാദ സംഘടനകള്‍ക്ക് മയക്കുമരുന്ന് സംഘങ്ങളുമായി ബന്ധമുണ്ട്. ‘പാലാ ബിഷപ്പ് പറഞ്ഞതിനോട് കേരളത്തിലെ രണ്ട് മുന്നണികളും എടുക്കുന്ന സമീപനം എന്താണ്. മുഖ്യമന്ത്രി പറഞ്ഞു നാര്‍ക്കോട്ടിക് ജിഹാദ് ഞാന്‍ കേട്ടിട്ടേ ഇല്ലായെന്ന്. കോണ്‍ഗ്രസ് എന്തിനാണ് ബിഷപ്പിന്റെ പ്രസ്താവനയെ ഇത്രയും മോശമായി കാണുന്നത്.”- കെ സുരേന്ദ്രന്‍ പറഞ്ഞു.
”പാലാ ബിഷപ്പ് പറഞ്ഞകാര്യത്തെ മുന്‍വിധിയില്ലാതെ കേരളം എന്തുകൊണ്ട് ചര്‍ച്ച ചെയ്യുന്നില്ല. നാര്‍ക്കോട്ടിക് ജിഹാദ് ലോകം മുഴുവന്‍ ഉള്ളതാണ്. ഭീകരവാദ സംഘടനക്ക് മയക്കുമരുന്ന് സംഘങ്ങളുമായി ബന്ധമുണ്ട്. ആ യാഥാര്‍ത്ഥ്യമാണ് പാലാ ബിഷപ്പ് പറഞ്ഞത്.’ സുരേന്ദ്രന്‍ പറഞ്ഞു.
കേരളത്തില്‍ നടന്ന കുറ്റകൃത്യങ്ങളുടെ കണക്ക് പരിശോധിക്കുമ്പോള്‍ പാലാ ബിഷപ്പ് പറഞ്ഞതിനെ സാധൂകരിക്കുന്ന കാര്യങ്ങളുണ്ടെന്നും അതിനെ ഒറ്റ തിരിഞ്ഞ് ആക്രമിക്കേണ്ട കാര്യമില്ലെന്നും സുരേന്ദ്രന്‍ കൂട്ടിചേര്‍ത്തു. ബിജെപി ഒരിക്കലും പരാമര്‍ശത്തെ രാഷ്ട്രീയ മുതലെടുപ്പായി കണ്ടിട്ടില്ലെന്നും സുരേന്ദ്രന്‍ കൂട്ടിചേര്‍ത്തു.
Discussion about this post