കോഴിക്കോട്: എംഎസ്എഫ് നേതാക്കള്ക്കെതിരെ ലൈംഗികാധിക്ഷേപ പരാതി വനിതാ കമ്മീഷനില് നല്കിയതിന് പിരിച്ചുവിട്ട ‘ഹരിത’ സംസ്ഥാന കമ്മിറ്റിക്ക് പുതിയ നേതൃത്വത്തെ പ്രഖ്യാപിച്ചു. പിഎച്ച് ആയിശ ബാനുവിനെ (മലപ്പുറം) സംസ്ഥാന പ്രസിഡന്റായും, റുമൈസ റഫീഖിനെ (കണ്ണൂര്) ജനറല് സെക്രട്ടറിയായും പ്രഖ്യാപിച്ചതായി മുസ്ലിം ലീഗ് സംസ്ഥാന കമ്മിറ്റി അറിയിച്ചു.
പിരിച്ചുവിട്ട 10 അംഗ കമ്മിറ്റിക്ക് പകരം ഒമ്പത് അംഗ കമ്മിറ്റിയെ ആണ് ഇപ്പോള് പ്രഖ്യാപിച്ചിരിക്കുന്നത്. നേരത്തെയുണ്ടായിരുന്ന കമ്മിറ്റിയിലെ ട്രഷററായിരുന്നു ആയിശ ബാനു.
ട്രഷറര്- നയന സുരേഷ് (മലപ്പുറം). വൈസ് പ്രസിഡന്റുമാര്- നജ്വ ഹനീന (മലപ്പുറം), ഷാഹിദ റാഷിദ് (കാസര്കോട്), അയ്ഷ മറിയം (പാലക്കാട്). സെക്രട്ടറിമാര്: അഫ്ഷില (കോഴിക്കോട്), ഫായിസ എസ് (തിരുവനന്തപുരം), അഖീല ഫര്സാന (എറണാകുളം).
എംഎസ്എഫ് സംസ്ഥാന കമ്മിറ്റി ഓഫീസിലെ യോഗത്തിനിടെ പോഷക സംഘടനയായ ‘ഹരിത’യിലെ നേതാക്കളോട് എംഎസ്എഫ് സംസ്ഥാന പ്രസിഡന്റ് പികെ നവാസ് ലൈംഗിക പരാമര്ശം നടത്തിയെന്ന് കാട്ടി പത്തോളം വനിതകള് വനിത കമ്മീഷന് പരാതി നല്കുകയായിരുന്നു. ഫോണിലൂടെ അസഭ്യവാക്കുകള് പറഞ്ഞതായി എംഎസ്എഫ് മലപ്പുറം ജില്ല ജനറല് സെക്രട്ടറി അബ്ദുല് വഹാബിനെതിരെയും പരാതിയുണ്ട്.
Discussion about this post