പാലക്കാട്: ഭാരതപ്പുഴയില്‍ കുളിക്കാനിറങ്ങിയ രണ്ട് യുവാക്കള്‍ മുങ്ങിമരിച്ചു. കല്ലേക്കാടിന് സമീപമാണ് അപകടമുണ്ടായത്.
സേലം സ്വദേശി അന്‍ഷീര്‍, ബന്ധു ഹാഷിം എന്നിവരാണ് മരിച്ചത്. ഇവരെ കാണാതായെന്ന് ഒപ്പമുണ്ടായിരുന്നയാളാണ് നാട്ടുകാരെ അറിയിച്ചത്.
തുടര്‍ന്ന് ഫയര്‍ഫോഴ്‌സ് എത്തിയാണ് അന്‍ഷീറിനെയും ഹാഷിമിനെയും പുറത്തെടുത്തത്. ആശുപത്രിയിലെത്തിച്ചെങ്കിലും രക്ഷിക്കാനായില്ല.
ഓണം പ്രമാണിച്ച് കല്ലേക്കാട്ടെ ബന്ധുവീട്ടിലെത്തിയതായിരുന്നു അന്‍ഷീര്‍. ഭക്ഷണം കഴിച്ചശേഷം കുളിക്കാ ഇറങ്ങിയപ്പോഴായിരുന്നു അപകടം. ഒഴുക്കില്‍പ്പെട്ട അന്‍സീലിനെ രക്ഷിക്കാന്‍ ശ്രമിക്കുന്നതിനിടെ ഹാഷിമും മുങ്ങിത്താഴുകയായിരുന്നു.