മലപ്പുറം: മുസ്ലീംലീഗ് ഹരിത വിഷയത്തിലെ പികെ അബ്ദുറബ്ബിന്റെ ചെമ്പിനില്ലാത്ത ചൂടൊന്നും ഒരു മൂടിക്കും വേണ്ട എന്ന പരാമര്‍ശത്തിന് മറുപടിയുമായി കെടി ജലീല്‍ എംഎല്‍എ. അബ്ദുറബ്ബിന്റെ പരാമര്‍ശം സംബന്ധിച്ച വാര്‍ത്തയുടെ കമന്റ് ബോക്‌സിലാണ്
ജലീലിന്റെ മറുപടി.
”എന്റെ റബ്ബേ, ‘ദം ബിരിയാണിയുടെ കാലമല്ലേ? ചെമ്പിനേക്കാള്‍ ചൂട് മൂടിക്കുണ്ടാവുക സ്വാഭാവികം”.- എന്നാണ് ജലീലിന്റെ മറുപടി.
ഹരിതയിലെയും, എം.എസ്.എഫിലെയും പ്രശ്നങ്ങള്‍ തീര്‍ക്കാന്‍ ലീഗിനറിയാമെന്നും അതിന് മാധ്യമങ്ങളുടെയോ മറ്റുള്ളവരുടെ ഉപദേശമോ ആവശ്യമില്ലെന്നാണ് അബ്ദുറബ്ബ് നേരത്തെ പറഞ്ഞത്.
ലീഗിനെതിരെ വാര്‍ത്തകള്‍ പടച്ചുണ്ടാക്കി എത്ര എരിവും മസാലയും ചേര്‍ത്താലും കേരളമിതൊന്നും മറക്കില്ലെന്നും ചെമ്പിനില്ലാത്ത ചൂടൊന്നും ഒരു മൂടിക്കും വേണ്ടെന്നുമായിരുന്നു അബ്ദുറബിന്റെ പരാമര്‍ശം.
Discussion about this post