കാഞ്ഞിരംപാറ: ഇന്ത്യൻ ഹോക്കി വീണ്ടും സുവർണകാലത്തേക്ക് കുതിക്കുമ്പോൾ ഇതിന്റെ ഭാഗമായ മലയാളി താരം ശ്രീജേഷിന് നാട് വ്യത്യസ്തമായ ആദരവാണ് നൽകുന്നത്. ഒളിംപിക്‌സിൽ നാൽപ്പത്തൊന്ന് വർഷത്തിന് ശേഷം വെങ്കല മെഡൽ നേടിയ ഇന്ത്യൻ ഹോക്കി ടീമിന്റെ ഭാഗമായ മലയാളി താരം പിആർ ശ്രീജേഷിന് ആദരവ് നൽകാൻ ശ്രീജേഷ് എന്ന പേരുള്ള എല്ലാവർക്കും സൗജന്യ പെട്രോൾ നൽകുകയാണ് ഈ പെട്രോൾ പമ്പ് ഉടമ.
തിരുവനന്തപുരം കാഞ്ഞിരം പാറയിലെ ഇന്ത്യൻ ഓയിലിന്റെ ഹരേകൃഷ്ണ ഫ്യൂവൽസാണ് വേറിട്ട ഓഫർ നൽകുന്നത്. ശ്രീജേഷ് എന്നു പേരുള്ളവർക്ക് 101 രൂപയ്ക്ക് സൗജന്യമായി ഇന്ധനം നൽകുന്നതാണ് ഓഫർ. ഓഗസ്റ്റ് മാസം 31 വരെയാണ് ഓഫർ.
പേര് ശ്രീജേഷ് ആണെന്ന് തെളിയിക്കുന്ന ആർക്കും 101 രൂപയുടെ ഇന്ധനം സൗജന്യമാണ്. പെട്രോൾ അടിക്കാൻ എത്തുമ്പോൾ പേര് ശ്രീജേഷാണെന്ന് തെളിയിക്കുന്ന എന്തെങ്കിലും രേഖ കാണിക്കണമെന്നും ഹരേകൃഷ്ണ ഫ്യൂവൽസ് ഉടമ പറയുന്നു.
ഈ പരസ്യം സോഷ്യൽമീഡിയയിൽ വൈറലായതോടെ നിരവധിപ്പേരാണ് വിവരം സത്യമാണോയെന്ന് അറിയാനായി ബന്ധപ്പെടുന്നതെന്ന് ഹരേ കൃഷ്ണ ഫ്യൂവൽസ് ഉടമ പ്രതികരിക്കുന്നു.
Discussion about this post