കൊച്ചി: എറണാകുളം സൗത്തില്‍ ഫ്‌ളാറ്റിന്റെ പത്താംനിലയില്‍ നിന്ന് വീണ് യുവതിയ്ക്ക് ദാരുണാന്ത്യം. ഐറിന്‍ (18) ആണ് മരിച്ചത്. ശാന്തി തോട്ടേക്കാട് എന്ന ഫ്‌ളാറ്റിലാണ് അപകടം സംഭവിച്ചത്.
ഈ ഫ്‌ളാറ്റിലെ താമസക്കാരനായ റോയിയുടെ മകളാണ് ഐറിന്‍. സഹോദരനോടൊപ്പം വ്യായാമം ചെയ്യുന്നതിനിടെയാണ് അപകടം. ഫ്‌ളാറ്റിലെ ടെറസില്‍ നിന്നും കാര്‍ പാര്‍ക്കിങ് ഏരിയയിലെ ഷീറ്റിലേക്ക് വീഴുകയായിരുന്നു.
അപകടമരണമെന്ന് പോലീസിന്റെ പ്രാഥമിക നിഗമനം. പോലീസ് അന്വേഷണം ആരംഭിച്ചു.