പാവറട്ടി : കളിക്കുന്നതിനിടെ തൊട്ടിലിന്റെ സ്പ്രിങ്ങില്‍ കഴുത്ത് കുരുങ്ങി ഒന്‍പത് വയസ്സുകാരന് ദാരുണാന്ത്യം. ഏനാമാക്കല്‍ റേഷന്‍കടയ്ക്ക് സമീപം വാടകയ്ക്ക് താമസിക്കുന്ന അമ്പലത്ത് വീട്ടില്‍ ഉമ്മറിന്റെ മകന്‍ ഷിയാസാണ് മരിച്ചത്. ബുധനാഴ്ച വൈകീട്ടാണ് സംഭവം.
കളിക്കുന്നതിനിടെ കുട്ടിയുടെ ശബ്ദം കേള്‍ക്കാത്തതിനെ തുടര്‍ന്ന് മാതാവ് ഷമീന വന്ന് നോക്കിയപ്പോള്‍ ഷിയാസിന്റെ കഴുത്ത് സ്പ്രിങ്ങില്‍ കുരുങ്ങിക്കിടക്കുന്നതാണ് കണ്ടത്. അയല്‍വാസികളുടെ സഹായത്തോടെ പാവറട്ടിയിലെ സ്വകാര്യ ആശുപത്രിയില്‍ എത്തിച്ചു. വിദഗ്ധ ചികിത്സയ്ക്കായി തൃശ്ശൂരിലേക്ക് കൊണ്ടുപോകും വഴിയായിരുന്നു മരണം.
ഷിയാസിന്റെ അനുജനെ കിടത്തുവാനാണ് തൊട്ടില്‍ കെട്ടിയിരുന്നത്. പാടൂര്‍ വാണീവിലാസം യു.പി. സ്‌കൂളിലെ നാലാം ക്ലാസ് വിദ്യാര്‍ഥിയാണ് ഷിയാസ്.
Discussion about this post