കൊച്ചി: സംസ്ഥാനത്ത് ലോക്ക്ഡൗൺ ഇളവുകൾ ലഭ്യമായെങ്കിലും യാത്രചെയ്യുന്നവർക്ക് പഴയത് പോലെ വഴിയിൽ നിന്നും സുരക്ഷിതമായി ഭക്ഷണം കഴിക്കാൻ കഴിയുന്ന സ്ഥിതിയിലേക്ക് നമ്മുടെ നാട് മാറിയിട്ടില്ല. ഈ സാഹചര്യത്തിൽ കെടിഡിസിയുടെ ഭക്ഷണം വാഹനങ്ങളിൽ തന്നെ ലഭ്യമാക്കുന്ന പദ്ധതിക്ക് തുടക്കമാവുകയാണെന്ന് ടൂറിസം മന്ത്രി പി എ മുഹമ്മദ് റിയാസ്. ഫെയ്‌സ്ബുക്കിലൂടെയാണ് മന്ത്രി ഇക്കാര്യം അറിയിച്ചത്.
പ്രാതലും ഉച്ചഭക്ഷണവും അത്താഴവും ഇത്തരത്തിൽ തയ്യാറാക്കി നൽകും. കൂടാതെ ലഘുഭക്ഷണവും ഉണ്ടാകും. തിരഞ്ഞെടുക്കപ്പെട്ട കെടിഡിസി ആഹാർ റസ്റ്റോറൻറുകളിലാണ് തുടക്കത്തിൽ പദ്ധതി ആരംഭിക്കുന്നത്.
പ്രതിസന്ധി കാലത്ത് ഹോട്ടൽ ടൂറിസം മേഖലയെ കൈപിടിച്ചുയർത്താനാണ് പദ്ധതിയിലൂടെ ലക്ഷ്യംവെക്കുന്നത്
പി എ മുഹമ്മദ് റിയാസിന്റെ ഫയ്‌സ്ബുക്ക് കുറിപ്പ് വായിക്കാം
കെടിഡിസി റസ്റ്റോറണ്ടുകൾ നിങ്ങളുടെ വാഹനങ്ങളിലേക്ക്..
ലോക്ക്ഡൗൺ ഇളവുകൾ ലഭ്യമായെങ്കിലും യാത്രചെയ്യുന്നവർക്ക് പഴയത് പോലെ വഴിയിൽ നിന്നും സുരക്ഷിതമായി ഭക്ഷണം കഴിക്കാൻ കഴിയുന്ന സ്ഥിതിയിലേക്ക് നമ്മുടെ നാട് മാറിയിട്ടില്ല. ഈ സാഹചര്യത്തിൽ കെടിഡിസിയുടെ ഭക്ഷണം വാഹനങ്ങളിൽ തന്നെ ലഭ്യമാക്കുന്ന പദ്ധതിക്ക് തുടക്കമാവുകയാണ്.
ടൂറിസം രംഗത്തെ ഏറ്റവും വിപുലമായ ഹോട്ടൽ ശൃംഖലയാണ് കെടിഡിസിയുടേത്. ആളുകൾ വിശ്വസിച്ച് ഭക്ഷണം കഴിക്കാനായി എത്തുന്ന കെടിഡിസി ഹോട്ടലുകൾ ജനങ്ങളിലേക്ക് തന്നെ ഇറങ്ങിച്ചെല്ലാനാണ് ഒരുങ്ങുന്നത്. കെടിഡിസി ഹോട്ടലുകളിലേക്ക് ചെന്നാൽ സ്വന്തം വാഹനത്തിൽ തന്നെ ഇരുന്ന് ഭക്ഷണം ഓർഡർ ചെയ്യാനും കഴിക്കാനും സൗകര്യം ഒരുക്കുന്നതാണ് പുതിയ പദ്ധതി. ‘ഇൻ-കാർ ഡൈനിംഗ്’ എന്ന പേരിൽ തുടങ്ങുന്ന ഈ പദ്ധതി കേരളത്തിലെ ഹൈവേകളിലൂടെ സഞ്ചരിക്കുന്നവർക്ക് ഗുണനിലവാരവും രുചികരവുമായ ഭക്ഷണം ലഭ്യമാക്കും. യാത്രക്കാർക്ക് പുതിയൊരു അനുഭവം കൂടി സമ്മാനിക്കുകയാണ് കെടിഡിസിയുടെ ലക്ഷ്യം.
പ്രാതലും ഉച്ചഭക്ഷണവും അത്താഴവും ഇത്തരത്തിൽ തയ്യാറാക്കി നൽകും. കൂടാതെ ലഘുഭക്ഷണവും ഉണ്ടാകും. തിരഞ്ഞെടുക്കപ്പെട്ട കെടിഡിസി ആഹാർ റസ്റ്റോറൻറുകളിലാണ് തുടക്കത്തിൽ പദ്ധതി ആരംഭിക്കുന്നത്.
പ്രതിസന്ധി കാലത്ത് ഹോട്ടൽ ടൂറിസം മേഖലയെ കൈപിടിച്ചുയർത്താനാണ് പദ്ധതിയിലൂടെ ലക്ഷ്യംവെക്കുന്നത്.
Discussion about this post