തിരുവനന്തപുരം: കൊവിഡ് മഹാമാരിയുടെ രണ്ടാം തരംഗം മൂലം നിര്‍ത്തിവെച്ച മദ്യവില്‍പ്പന സംസ്ഥാനത്ത് നാളെ മുതല്‍ പുനഃരാരംഭിക്കും. ബെവ്കോ ഔട്ട്ലെറ്റ് വഴി നേരിട്ട് മദ്യം വാങ്ങാം. ബെവ് ക്യൂ ആപ്പ് ഒഴിവാക്കിയ സാഹചര്യത്തിലാണ് ഔട്ട്ലെറ്റ് വഴി മദ്യവില്‍പ്പന നടത്താന്‍ അനുമതി നല്‍കിയിരിക്കുന്നത്.
സാമൂഹിക അകലം ഉറപ്പ് വരുത്തി വില്‍പ്പന നടത്തണം എന്നാണ് നല്‍കിയിരിക്കുന്ന നിര്‍ദ്ദേശം. ആപ്പ് വഴി സ്ലോട്ട് ബുക്ക് ചെയ്തായിരിക്കും മദ്യ വില്‍പ്പന എന്നാണ് നേരത്തെ അറിയിച്ചിരുന്നത്.
ഇതിന്റെ പശ്ചാത്തലത്തില്‍ ബെവ്ക്യൂ ആപ്പിന്റെ പ്രതിനിധികള്‍ ബീവറേജസ് കോര്‍പ്പറേഷന്‍ ആസ്ഥാനത്ത് എത്തി ചര്‍ച്ച നടത്തിയിരുന്നു. ആപ്പ് ഉടന്‍ സജ്ജമാക്കുന്നതിന് ചില പ്രായോഗിക തടസങ്ങളുണ്ടെന്ന് അവര്‍ ചൂണ്ടിക്കാണിച്ചിരുന്നു. ഇതേ തുടര്‍ന്നാണ് ആപ്പ് ഒഴിവാക്കിയത്.
Discussion about this post