ന്യൂഡല്‍ഹി: കോവിഡ് പ്രതിരോധത്തില്‍ കേരളം രാജ്യത്തിന് തന്നെ മാതൃകയായി ശ്രദ്ധനേടിയിരുന്നു. ഒരു തുള്ളി വാക്‌സിന്‍ പോലും പാഴാക്കാതെ വാക്‌സിന്റെ സൂക്ഷ്മ ഉപയോഗത്തിലൂടെ കേരളത്തെ പ്രധാനമന്ത്രി നരേന്ദ്ര മോഡി അഭിനന്ദിച്ചിരുന്നു.
ഇപ്പോഴിതാ, കോവിഡ് ചികിത്സയ്ക്ക് ഉപയോഗിക്കുന്ന റെംഡെസിവിര്‍ മരുന്നുകളുടെ ഉപയോഗിക്കാത്ത ഒരു ലക്ഷം കുപ്പികള്‍ കേന്ദ്രത്തിന് കേരളം തിരിച്ചുനല്‍കിയിരിക്കുകയാണ്. റെംഡെസിവിര്‍ മരുന്നിന് രാജ്യവ്യാപകമായി വന്‍തോതില്‍ ക്ഷാമം അനുഭവപ്പെടുമ്പോഴാണ് കേരളത്തിന്റെ നടപടി.
അതേസമയം, മരുന്നിന്റെ ലഭ്യത ഉറപ്പുവരുത്തുന്നതിനായി കേന്ദ്ര സര്‍ക്കാര്‍ കഴിഞ്ഞ ആഴ്ച മുതല്‍ മെയ് 16 വരെ വിവിധ സംസ്ഥാനങ്ങള്‍ക്ക് റെംഡെസിവര്‍ അനുവദിച്ചിട്ടുണ്ട്. കേന്ദ്ര രാസവള, രാസവള മന്ത്രി ഡി വി സദാനന്ദ ഗൌഡയാണ് ഇക്കാര്യം അറിയിച്ചത്. ഫാര്‍മസ്യൂട്ടിക്കല്‍സ് വകുപ്പും ആരോഗ്യ, കുടുംബക്ഷേമ മന്ത്രാലയവും സംയുക്തമായി തയ്യാറാക്കിയ പദ്ധതി പ്രകാരമാണിത്.
