കൊച്ചി: സൈബര്‍ ആക്രമണം നേരിടുന്ന നടന്‍ സിദ്ധാര്‍ഥിന് പിന്തുണ പ്രഖ്യാപിച്ച് മലയാളി പ്രേക്ഷക പ്രിയങ്കരി പാര്‍വതി തിരുവോത്ത്. ട്വിറ്ററിലൂടെയാണ് താരം പിന്തുണ പ്രഖ്യാപിച്ച് രംഗത്തെത്തിയത്. നിലപാടില്‍ നിന്നും ഒരിക്കലും പിന്മാറരുത്. ഞങ്ങളുടെ ഒരു പട തന്നെ സിദ്ധാര്‍ഥിന് പിന്തുണയുമായി ഉണ്ടെന്നും പാര്‍വതി ട്വീറ്റ് ചെയ്തു.
With you @Actor_Siddharth No backing down! There is an army of us with you! Stay strong and lots of love to fam✨ https://t.co/m0uXFgsghW
— Parvathy Thiruvothu (@parvatweets) April 29, 2021
‘സിദ്ധാര്‍ഥ് ഞാന്‍ നിങ്ങള്‍ക്കൊപ്പമാണ്. ഒരിക്കലും പിന്മാറരുത്. ഞങ്ങളുടെ ഒരു പട തന്നെ നിങ്ങള്‍ക്കൊപ്പമുണ്ട്. തളരാതെ ഇരിക്കു. നിങ്ങള്‍ക്കും കുടുംബത്തിനും എല്ലാവിധ സ്നേഹവും നേരുന്നു.’ പാര്‍വതി ട്വീറ്റ് ചെയ്തു. തന്റെ ഫോണ്‍ നമ്പര്‍ ബിജെപി അംഗങ്ങള്‍ ലീക്ക് ചെയ്‌തെന്ന സിദ്ധാഥിന്റെ ട്വീറ്റും പാര്‍വതി പങ്കുവച്ചു.
കഴിഞ്ഞ ദിവസമാണ് ബിജെപിയെ വിമര്‍ശിച്ചതിന്റെ പേരില്‍ തന്റെ ഫോണ്‍ നമ്പര്‍ തമിഴ്‌നാട് പാര്‍ട്ടി പ്രവര്‍ത്തകര്‍ ലീക്ക് ചെയ്‌തെന്ന് സിദ്ധാര്‍ഥ് ആരോപിച്ച് രംഗത്തെത്തിയത്. ഇതുവരെ 500-ലധികം ഫോണ്‍ കോളുകളാണ് വന്നത്. എല്ലാം വധഭീഷണിയും ബലാംത്സംഗ ഭീഷണിയും അസഭ്യവര്‍ഷവും ആയിരുന്നുവെന്നും സിദ്ധാര്‍ഥ് ആരോപിച്ച് രംഗത്തെത്തിയിരുന്നു. സംഭവത്തില്‍ സിദ്ധാര്‍ഥ് പോലീസില്‍ പരാതി നല്‍കിയിട്ടുണ്ട്. പിന്നാലെയാണ് പിന്തുണ പ്രഖ്യാപിച്ച് പാര്‍വതി രംഗത്തെത്തിയത്.
