കണ്ണൂർ: എൽഡിഎഫിന് കഴിഞ്ഞ തവണ ലഭിച്ചതിനേക്കാൾ വലിയ വിജയം ഇത്തവണ ലഭിക്കുമെന്ന് ആരോഗ്യമന്ത്രി കെകെ ശൈലജ ടീച്ചർ. മഹാഭൂരിപക്ഷത്തോടെ എൽഡിഎഫിന് വിജയിക്കാനാകുമെന്ന് വോട്ട് രേഖപ്പെടുത്തിയതിന് ശേഷം പ്രതികരിച്ചു.
സമാധാനപൂർണവും ഐശ്വര്യപൂർണവുമായ വികസിത കേരളത്തെ സൃഷ്ടിക്കണമെന്നും എങ്കിൽ മാത്രമേ ലോകത്ത് വളരെ നല്ലൊരു ജീവിതം നയിക്കാൻ വരുന്ന തലമുറയെ പ്രാപ്തരാക്കാൻ നമുക്ക് സാധിക്കൂ എന്നും കെകെ ശൈലജ പറഞ്ഞു. അതിന് ഈ നാട്ടിലെ നല്ലവരായ ജനങ്ങൾ പിന്തുണ നൽകുമെന്നാണ് എന്റെ പ്രതീക്ഷയെന്നും അവർ പങ്കുവെച്ചു.
കെകെ ശൈലജ ടീച്ചറുടെ വാക്കുകൾ:
മട്ടന്നൂർ പഴശ്ശി വെസ്റ്റ് യൂ പി സ്‌കൂളിലെ അറുപത്തിഒന്നാം നമ്പർ ബൂത്തിൽ വോട്ട് രേഖപ്പെടുത്തി. വികസന പ്രവർത്തനങ്ങൾ ഏറെ ചർച്ച ചെയ്യുന്ന തെരഞ്ഞെടുപ്പാണിത്. കഴിഞ്ഞ തവണ കിട്ടിയതിനേക്കാൾ വലിയ വിജയം, മഹാഭൂരിപക്ഷത്തോടെ എൽഡിഎഫിന് നേടാനാകും. സമാധാനപൂർണവും ഐശ്വര്യപൂർണവുമായ വികസിത കേരളത്തെ സൃഷ്ടിക്കണം. എങ്കിൽ മാത്രമേ ലോകത്ത് വളരെ നല്ലൊരു ജീവിതം നയിക്കാൻ വരുന്ന തലമുറയെ പ്രാപ്തരാക്കാൻ നമുക്ക് സാധിക്കൂ. അതിന് ഈ നാട്ടിലെ നല്ലവരായ ജനങ്ങൾ പിന്തുണ നൽകുമെന്നാണ് എന്റെ പ്രതീക്ഷ.